Noticias

Ven, 31/07/2015
Campamento Xoecon

O campamento 'Xogar e Conciliar' (XOECON) do Concello de Mesía, que se desenvolveu durante as tres primeiras semanas de xullo, cubriu as 60 prazas dispoñibles. Participaron nenos e nenas de 3 a 12 anos. Os 12 que quedaron en lista de espera participarán no campamento Respira Mesía do mes de agosto. Máis fotos en 'ler máis'.

Dom, 19/07/2015
Fútbol 8

O Torneo Interparroquial de Fútbol Concello de Mesía 2015, disputado hoxe no campo municipal de céspede artificial en Visantoña, acadou un grande éxito de participación, con 130 xogadores en 11 equipos. Na categoría F5, de 5 a 10 anos de idade, gañou o Albixán. Na F8, de 11 a 15 anos, o vencedor foi o equipo de Cumbraos. E na F11, para maiores de 16 anos, o primeiro posto conseguiuno o equipo de Visantoña. O Torneo está patrocinado por Coca-Cola.

Xov, 18/06/2015

O Concello de Mesía presenta a súa programación de actividades para o verán, que recolle inscricións desde hoxe 18 de xuño ata o 30 de xuño con carácter xeral, agás nas propostas nas que se estableza un prazo distinto. O programa recolle as escolas de verán e os campus infantís, as actividades para adultos, saídas e cursos xuvenís, eventos lúdicos e deportivos, saídas para toda a poboación e iniciativas de formación. Máis información en 'ler máis' ou obtendo o boletín.

Sáb, 06/06/2015

As escolas deportivas municipais e as actividades culturais do Concello de Mesía clausuraron o curso 2014-2015 cunha festa que acolleu onte o polideportivo municipal en Xanceda. Pola tarde, os máis pequenos ofreceron exhibicións das distintas modalidades nas que participaron desde setembro e a continuación recibiron os diplomas. Á noite, tomaron o relevo os adultos, con exhibicións do aprendido e a proxección dun vídeo especial sobre as actividades. En total, pasaron pola clausura máis de medio milleiro de persoas. Galería de imaxes en 'ler máis'.

Ven, 05/06/2015

O Concello de Mesía informa sobre o próximo desenvolvemento dun obradoiro de emprego de atención á dependencia no fogar e nas institucións. É un proxecto que conta xa con acordo favorable da Xunta e que foi promovido polo Concello de Abegondo en colaboración cos Concellos de Bergondo, Carral e Mesía. En breve iniciarase o proceso de selección de alumnos-traballadores. As persoas interesadas deben comunicar a súa vontade de participar na oficina do INEM de Ordes.

Páxinas