Axudas

Mar, 03/04/2018

O Concello de Mesía informa de que a Deputación Provincial da Coruña publicou o día 22.03.2018, no Boletín Oficial da Provincia núm. 56, as bases reguladoras das convocatorias de subvencións dirixidas a entidades sen ánimo de lucro para realizar actividades e/ou investimentos culturais no ano 2018 e o día 03.04.2018, no Boletín Oficial da Provincia núm. 62, a apertura do prazo de presentación de solicitudes das ditas convocatorias.

 

O prazo de solicitude das axudas ao abeiro das ditas convocatorias comeza o 04.04.2018 e rematará ás 14.00 horas do día 27.04.2018 e realizarase a través da plataforma SUBTEL da páxina web da Deputación Provincial da Coruña.

Máis información en “Ler máis”.
Ler máis...
Mér, 28/02/2018

O Concello de Mesía informa de que no BOP núm. 40, do martes 27 de febreiro do actual, publica as convocatorias oficiais das axudas do Plan de Emprego Local (PEL) da Deputación da Coruña a través das liñas PEL PEME e PEL EMPRENDE, destinadas a incentivar a contratación en pequenas e medianas empresas e a impulsar as novas iniciativas empresariais da provincia.

Prazo de solicitude aberto ata o 22 de marzo do actual.

Máis información en “Ler máis…” ou chamando ao concello ao 981687001.
Ler máis...
Xov, 15/02/2018

O 26 de marzo do actual remata o prazo para acollerse á nova convocatoria de axudas do Programa Galicia Rural Emprende, publicada o pasado 25 de xaneiro no Diario Oficial de Galicia núm. 18 polo Instituto Galego de Promoción Económica, e que teñen por obxecto apoiar á creación de empresas para actividades non agrícolas en zonas rurais no ano 2018.

Serán subvencionables os proxectos dirixidos á creación de emprego nas zonas rurais mediante axudas á primeira implantación e desenvolvemento de novas actividades económicas non agrarias viables, que deben contribuír á diversificación económica, crecemento de emprego, sostenibilidade do medio rural e equilibrio territorial, tanto en termos económicos como sociais.

O prazo de presentación de solicitudes está aberto ata o día 26 do próximo mes de marzo.

Para máis información pulsa en “Ler máis…”.
Ler máis...
Mar, 03/10/2017
PRACTICAS NON LABORAIS EN EMPRESAS MESIA 2017

A Consellería de Economía, Emprego e Industria publicou no DOG núm. 186, do 29.09.2017, a convocatoria pública das subvencións para o financiamento ás empresas das bolsas das persoas novas incluídas no ficheiro do Sistema nacional de garantía xuvenil no ámbito da Comunidade Autónoma de Galicia, que realizan prácticas non laborais nas empresas. Ao abeiro desta convocatoria as empresas ou grupos empresariais, en colaboración cos servizos públicos de emprego e no marco da responsabilidade social empresarial, poderán subscribir acordos con persoas novas, con ningunha ou moi escasa experiencia laboral, co obxecto de realizar prácticas de carácter non laboral nos seus centros de traballo, co fin de contribuír a mellorar a súa empregabilidade e ofrecerlles un primeiro contacto coa realidade laboral a través do achegamento a ela, ao tempo que contribúen a completar a formación acadada pola persoa nova. O prazo de solicitude remata o 30.10.2017.
Ler máis...
Lun, 02/10/2017
EMPREGA XUVENTUDE MESÍA 2017

O próximo 15 de decembro remata o prazo para acollerse á nova convocatoria de axudas Emprega Xuventude, publicada o pasado 25 de agosto no Diario Oficial de Galicia núm. 161, e que teñen por obxecto fomentar á contratación xuvenil e atender as necesidades das empresas cara aos novos perfís profesionais, nos sectores vinculados á Industria 4.0 e ao sector agroalimentario.

Serán subvencionables ao abeiro deste programa as contratacións dunha duración mínima inicial de 12 meses realizadas desde o 26 de agosto de 2017 ata o 15 de decembro de 2017  e formalizadas con persoas desempregadas menores de 30 anos. A contía da axuda é de 7.000 euros.
Ler máis...
Mér, 27/09/2017

O Concello de Mesía publicou no Boletín Oficial da Provincia (BOP) núm. 184, o día 27.10.2017, a convocatoria de axudas para o transporte escolar durante o curso 2017-2018 para estudantes que residan no concello e cursen estudos de bacharelato ou formación profesional con título homologado fóra dos límites do concello e para os que teñan que desprazarse diariamente. Exclúense os estudos superiores (universitarios, doutorados, …).

Para ver o boletín da convocatoria pulsa en LER MÁIS
Ler máis...

Páxinas