O obxecto da presente convocatoria é a CONTRATACIÓN en réxime de dereito laboral, a xornada completa, baixo a modalidade de contrato temporal por obra ou servizo determinado, de acordo co artigo 15.1.a) do Real Decreto Lexislativo 2/2015, de 23 de outubro, polo que se aproba o texto refundido da Lei do Estatuto dos Traballadores, DUN PEÓN CONDUTOR para o Concello de Mesía. A xornada de traballo é de 40 horas á semana e o salario é de 1.302,58 euros brutos ao mes, incluída a parte proporcional das pagas extraordinarias

A Deputación Provincial da Coruña no marco do Proxecto EIXO_Estratexia de Inserción Xove da liña 4 do Plan de Emprego Local está a programar o ITINERARIO DE PRÁCTICAS SEN FORMACIÓN ESPECÍFICA. Este itinerario concíbese como unha oportunidade de prácticas profesionais de 760 horas, aproximadamente 6 meses de duración, para 15 mozas e mozos que buscan o seu primeiro emprego en postos relacionados coa formación académica ou laboral (certificado de profesionalidade de nivel 3) adquirida no sistema de educación regrada ou non regrada, en calquera da súas especialidades, fomentando así a súa empregabilidade a través da adquisición de experiencia profesional das persoas mozas desempregadas da provincia. PERSOAS BENEFICIARIAS: Todas aquelas persoas menores de 30 anos e desempregadas da provincia da Coruña, non ocupadas e non integradas nos sistemas de educación ou formación, inscritas na Oficina de Emprego correspondente e rexistradas no ficheiro do Sistema Nacional de Garantía Xove, e que cumpran ademais os seguintes requisitos: - Ter cumpridos os 16 anos - Estar empadroado/a nalgúns dos concellos de menos de 50.000 habitantes da provincia da Coruña - Cumprir os requisitos de adscrición a este itinerario en concreto: Persoas mozas desempregadas da provincia, capacitadas académica e profesionalmente e con titulacións de Técnico Medio e Superior en Formación Profesional ou certificado de profesionalidade de nivel 3, Diplomadas e Licenciadas e/ou con Graos Universitarios, sen experiencia laboral no seu sector, de maneira que, coa mellora da súa empregabilidade, poidan situarse en mellores condicións para acceder a un posto de traballo, unha vez rematada a súa participación nelas. N.º DE BENEFICIARIOS: 15 PRAZAS. PRAZO INSCRICIÓN: ata o 21 de decembro de 2018 ás 14 horas. Máis información chamando ao concello ao 981687001.

RECOPILACIÓN DE OFERTAS DE EMPREGO PRIVADAS E PÚBLICAS NA ZONA QUE POIDAN RESULTAR DE INTERESE NA BUSCA DE EMPREGO

RECOPILACIÓN DE OFERTAS DE EMPREGO PRIVADAS E PÚBLICAS NA ZONA QUE POIDAN RESULTAR DE INTERESE NA BUSCA DE EMPREGO

Despois do correspondente proceso selectivo para a contratación de dous peóns para a realización da obra e servizo denominado "Labores de mellora forestal no Concello de Mesía" ao abeiro da subvención concedida pola Xefatura Territorial de Emprego, Economía e Industria da Coruña concedida pola Orde do 31.12.2017 pola que se establecen as bases que regulan as axudas e subvencións para o fomento do emprego no medio rural (Aprol rural) e se procede á súa convocatoria para o exercicio do ano 2018, e segundo a convocatoria e as bases aprobadas por Decreto de Alcaldía de data 08.06.2018, publicase a resolución pola que se acorda a contratación dos ditos peóns..

Aprobar a lista definitiva de admitidos e excluídos no proceso de selección de dous peóns dentro do Programa de Integración Laboral, e convocar aos seleccionados á realización do exame e da entrevista, que tera lugar o vindeiro mércores 20 de xuño do actual, ás 10:00 horas na Casa da Cultura de Xanceda