Noticias

Lun, 25/01/2016
Cartel entroido 2016

O Concello de Mesía celebra a súa Festa de Entroido o sábado 13 de febreiro (16 horas) no polideportivo municipal en Visantoña. Haberá inchables, obradoiros, o desfile de disfraces e merenda.

Ven, 08/01/2016

Estación invernal de LeitariegosO Concello de Mesía informa de que xa está aberto o prazo para solicitar unha das tres prazas que lle corresponden ao municipio na 'Campaña de Esquí 2016' da Deputación da Coruña. Poden participar rapaces e rapazas que nacesen entre 2001 e 2005, ambos os dous incluídos. A saída será do 6 ao 11 de marzo. Ten un prezo de 95 euros. Se hai máis solicitudes que prazas, serán outorgadas mediante un sorteo público. 

Mar, 05/01/2016
Cachibol de Nadal

Este mediodía concluíron no pavillón polideportivo municipal en Olas as tres xornadas que o Concello de Mesía reservou para a práctica do cachibol na súa programación de Nadal.

Nestas sesións participaron unhas vinte persoas. Desenvolvéronse os días 21 e 28 de decembro e 5 de xaneiro, entre as once da mañá e as doce e media do mediodía.

Esta actividade foi gratuíta e aberta a todos os participantes, non só ás persoas que durante todo o curso participan nas clases de cachibol da programación xeral de actividades.

Mar, 05/01/2016
Os Reis Magos en Mesía

Os Reis Magos visitaron esta tarde Mesía, nunha festa de recepción que se lles ofreceu como adianto á visita que esta oite farán a cada unha das casas do municipio. Os nenos e nenas foron os grandes protagonistas do acontecemento, que tivo lugar no pavillón municipal en Visantoña, recentemente acondicionado.

Xov, 31/12/2015

As dúas saídas lúdicas programadas polo Concello de Mesía durante estas festas de Nadal superaron os cen participantes cada unha. En concreto, a excursión de patinaxe e cine á Coruña contou con 105 persoas e a visita ao salón de ocio Xuvenlugo chegou ás 120. 

Mér, 30/12/2015

Cartel da Festa dos Reis Magos de 2016A Festa dos Reis Magos será este ano no pavillón municipal en Visantoña, situado a carón do colexio do Pedrouco. A celebración desenvolverase entre as 16:30 e as 20 horas do 5 de xaneiro. Para participar nesta festa, cómpre inscribirse na Casa da Cultura, chamando ao teléfono 981 68 72 41.

Mér, 30/12/2015

O Concello de Mesía informa de que está aberto o prazo de solicitude de axudas para a rehabilitación de vivendas no Camiño de Santiago, das que no noso municipio pode beneficiarse a parroquia de San Lourenzo de Bruma. Os solicitantes das axudas, xestionadas polo Instituto Galego da Vivenda e Solo, poderán financiar con cargo a esta convocatoria ata o 35 % do orzamento subvencionable das obras de rehabilitación, cun límite máximo de axuda de 11.000 euros por vivenda.

Mar, 29/12/2015

O Concello de Mesía informa de que o Diario Oficial de Galicia (DOG) publica hoxe a Orde da Consellería do Medio Rural pola que se convocan as axudas para os investimentos en transformación e comercialización de produtos agrarios  para o período 2014-2020 cofinanciadas polo Fondo Europeo Agrícola de Desenvolvemento Rural (Feader) para o exercicio 2016.

Mar, 29/12/2015

O Concello de Mesía informa de que o Diario Oficial de Galicia (DOG) publica hoxe a Orde da Consellería do Medio Rural pola que se convocan as axudas para o apoio aos investimentos nas explotacións agrícolas, para a creación de empresas para os agricultores mozos e para a creación de empresas para o desenvolvemento de pequenas explotacións correspondentes ao ano 2016. O orzamento total destas tres medidas ascende a 57,5 millóns de euros.

Lun, 28/12/2015

O Concello de Mesía informa de que o Diario Oficial de Galicia (DOG) publica hoxe a orde de axudas destinada a compensar os danos ocasionados por ataques de lobos ás reses gandeiras. Esta convocatoria está dotada cun total de 360.000 euros para toda Galicia.

Estas axudas están destinadas aos propietarios de gando vacún, ovino, cabrún, equino e porcino de Galicia, sempre e cando os danos procedan de ataques que non podían evitarse.

Páxinas