Noticias

Mér, 13/12/2017
O GOBERNO DE MESÍA REDUCE OS TIPOS DO IBI AO MÍNIMO LEGAL

Desde 2018 situaranse no 0,30 % en bens inmobles de natureza rústica e no 0,40 % en bens inmobles de natureza urbana

 A medida trata de paliar os efectos do ‘catastrazo’ aplicado polo Ministerio.

O goberno de Mesía reducirá o tipo de gravame do Imposto de Bens Inmobles (IBI) ao mínimo legal desde o 1 de xaneiro de 2018. O pleno do Concello aprobou por unanimidade a rebaixa proposta polo executivo local, de maneira que o tipo para inmobles de natureza rústica se situará no 0,30% do seu valor catastral e o de inmobles de natureza urbana no 0,40%. Ata agora, os dous estaban no 0,45%. Os bens de características especiais, como determinadas instalacións eléctricas ou telefónicas continuarán tributando o 1,30% do seu valor catastral.

 A ordenanza fiscal, ademais, mantén as bonificacións xa existentes no IBI para familias numerosas. Para as familias numerosas de carácter xeral, poden ir desde o 30% ata 55% do imposto, e para as familias numerosas de carácter especial oscilan entre o 50% e o 75%. As bonificacións son maiores canto menor sexa o valor catastral do inmoble.

Lun, 04/12/2017

Mesía atópase entre os 35 concellos beneficiarios da axuda de Medio Rural para a adquisición dun tractor e dúas desbrozadoras, unha de brazo e outra de arrastre que axudarán para o mantemento libre de maleza das infraestruturas rurais, das redes secundarias de faixas de xestión de biomasa e determinadas parcelas de titularidade municipal.

A adquisición deste tractor por parte do Concello de Mesía axilizará as campañas de desbroce que se viñan desenvolvendo dende fai anos con medios propios para poder loitar contra o lume.

Lun, 04/12/2017
TORNEO MESÍA CONTRA O CÁNCRO 2016

Presentámosvos a DÉCIMA edición do TORNEO SOLIDARIO DE FÚTBOL SALA: MESÍA CONTRA O CANCRO. Atención equipos aos prazos de inscrición, xa que será por riguroso orde de inscrición para 12 equipos, dende hoxe. Farase comunicando a participación por mail á organización: elenarocamoro@concellodemesia.gal, por último, antes do 22 de decembro formalizarase esta inscrición enviándonos a Folla de inscrición.

Ven, 01/12/2017
CARTEL NADAL MESIA 2017

O Concello de Mesía prepárase para vivir con alegría e actividades este Nadal.

Entrando na nova pódese consultar o Boletín de actividades.

Algunhas destacables son: Paxe Real, Postres Navideños, Musical de Reis, Saídas e Torneos solidarios.

Lun, 20/11/2017
MESIA CONTRA A VIOLENCIA DE XÉNERO 2017

Presentámosvos a campaña de sensibilización contra a violencia de xénero #nonmeenredes.

Con motivo do Día Internacional da Eliminación da Violencia contra a Muller, o próximo 25 de novembro, visibilizamos a presenza da violencia de xénero nas redes sociais.

O lema #nonmeenredes pretende ser un berro reivindicativo das mulleres da comarca para que ninguén exerza a violencia a través de Internet, e que esa violencia teña cada vez menos espazos para existir na sociedade.

Ven, 17/11/2017
Edito Exposición Pública Proxecto de Explotación

No taboleiro de anuncios do Concello de Mesía, está exposto ao Público, ata o 12.12.2017, o edicto da Xefatura Territorial da Consellería de Economía, Emprego e Industria da Xunta de Galicia,  polo que publica a Resolución do 6 de novembro de 2017 pola que somete a información pública o proxecto de explotación, o estudo de impacto ambiental, o documento de síntese e o estudo de integración paisaxística da solicitude de concesión de explotación derivada do permiso de investigación Frades fracción 2ª segregación 1ª,

Mér, 15/11/2017
BALNEARIO MESIA 2017

Corenta persoas do Concello de Mesía aproveitaron o Programa Deporte e Saúde nas catro saídas ao Balneario de Brión durante o meses de outubro e novembro.

O Concello subvencionou o autobús e parte das entradas para estas xornadas de saúde no Club Termal, que contou con piscinas de chorros, contracorrientes, camas de burbullas, jacuzzi, dúas saunas, un baño de vapor, ducha bitérmica e de aromas, escarcha de xeo aromatizada, sala de relax con mármores quentes, circuito circulatorio de piernas e zona de repouso.

Mér, 15/11/2017
CURSO EXAMEN ESO ADULTOS MESIA 2017

O Concello de Mesía organiza un curso preparatorio para a obtención do título de graduado en educación secundaria (ESO) dirixido a todas as persoas adultas maiores de 18 anos e que comezará a impartirse no mes de xaneiro de 2018.  As persoas interesadas poderán inscribirse no Concello ata o 8 de xaneiro de 2018.

 

Xov, 02/11/2017
saida 21 outubro Mesia 2017

O 21 de outubro, 150 persoas participaron da excursión organizada por Servizos sociais do Concello de Mesía.

Percorreron Vilanova de Cerveira e visita ó feirón típico desta vila. Despois de xantar fixeron Parada en Combarro (Pontevedra), onde navegaron nun percorrido en catamarán desfrutando da vista da ría de Pontevedra, Marín e a Illa de Tambo.

Mér, 11/10/2017
AXUDAS TRANSPORTE ESCOLAR MESIA 2017- 2018

O Concello de Mesía publicou no Boletín Oficial da Provincia (BOP) núm. 184, o día 27.09.2017, a convocatoria de axudas para o transporte escolar durante o curso 2017-2018 para estudantes que residan no concello e cursen estudos de bacharelato ou formación profesional con título homologado fóra dos límites do concello e para os que teñan que desprazarse diariamente. Exclúense os estudos superiores (universitarios, doutorados, …).

Máis información dos requisitos no documento que adxuntamos.

 

Páxinas