O Concello de Mesía resultou beneficiario das axudas destinadas a entidades locais galegas para o financiamento de actuacións en materia de residuos de competencia municipal para a implantación de recollidas separadas de biorresiduos, aceites de cociña usados e téxtiles da Consellería de Medio Ambiente e Cambio Climático da Xunta de Galicia e cofinanciadas polo fondo europeo relativo ao Mecanismo de recuperación e resiliencia da UE no marco do Plan de recuperación, transformación e resiliencia, financiado pola Unión Europea-NextGenerationEU.

A axuda concedida foi de 3.645,00 € para actuacións de recollida separada de residuos textiles (Liña 4. Procedemento MT975T).

O Concello de Mesía informa de que a Deputación da Coruña, no marco do Plan de Emprego Local, vén de convocar as seguintes axudas PEL 2026 cuias bases foron publicadas no BOP núm. 216 do 11/11/2025:

> PEL-EMPRENDE INVESTIMENTO: Subvencións á consolidación e ao fortalecemento do tecido empresarial dos concellos da provincia da Coruña de menos de 10.000 habitantes a través do apoio ao investimento en bens inventariables.

> PEL-AUTÓNOMOS/AS: Subvencións de apoio ao emprendemento a través do financiamento das cotas sociais e/ou do alugueiro de oficinas, baixos comerciais ou centros de traballo a persoas autónomas en concellos de menos de 10.000 habitantes.

> PEL-PEMES CREACIÓN E AMPLIACIÓN: Subvencións á contratación de persoal por parte de pemes, microempresas e persoas autónomas en concellos de menos de 20.000 habitantes

> PEL-PEMES MANTEMENTO: Subvencións para o mantemento das contratacións indefinidas de pemes, microempresas e autónomos/as beneficiarios/as das axudas de PEL-Pemes Creación e ampliación 2025.

O prazo de presentación de solicitudes permanecerá aberto ata o 16 de decembro de 2025 ás 14.00 horas. As solicitudes presentaranse exclusivamente de xeito telemático, a través da plataforma SUBTeL

Máis información en "Ler máis"

O Concello de Mesía recibiu hoxe un vehículo que destinará aos Servizos Sociais, concretamente ao servizo de axuda no fogar de libre concorrencia, e que supón unha mellora na atención social no noso municipio.

A adquisición supuxo unha inversión total de 16.088,44 €, cuantía subvencionada pola Deputación Provincial da Coruña por unha axuda concedida ao abeiro do Programa de subvencións a concellos e outras entidades locais para adquisicón de vehículos para os desprazamentos do persoal SAF de modalidade de libre concorrencia.

O Concello de Mesía aprobou o 23/09/2025,  por Decreto de Alcaldía núm. 393/2025, as bases reguladoras das axudas do Concello de Mesía para transporte escolar durante o curso 2025-2026 coa finalidade de facilitar o desprazamento diario aos/ás estudantes que residan no concello e cursen estudos de bacharelato ou formación profesional con título homologado fóra dos límites do concello. A contía para atender as solicitudes é de 6.400,00 € con cargo ao orzamento municipal correspondente ao ano 2025.

O día 26/09/2025 saíu publicada a dita convocatoria no Boletín Oficial da Provincia da Coruña.

O prazo para presentar as solicitudes será dende o 29/09/2025 e ata o 31/10/2025, ambos inclusive.

As solicitudes deberán presentarse no Rexistro Xeral do Concello de Mesía ou dalgunha outra forma establecida no artigo 164 da Lei 39/2015, do 1 de outubro, do procedemento administrativo común das Administracións Públicas.

Máis información en "Ler máis".