Noticias

Ven, 29/12/2023
TORNEOS SOLIDARIOS Fútbol sala - Concello de Mesía

Os Torneos solidarios desputados o 22 e 23 de decembro foron un exemplo da solidariedade no Concello de Mesía.
Recolléronse 687 € para a Asociación AMARAI no VI Torneo infantil e no XIII Torneo Mesía contra o cáncro 2023 recadáronse 2.182€  a favor da AECC na loita contra o cáncro.

GALERÍA DE IMAXES.
Ler máis...
Ven, 29/12/2023

O CONCELLO DE MESÍA PROPORCIONARÁ, DE BALDE, COMPOSTEIROS E ASESORAMENTO PARA QUE, A VECIÑANZA QUE DISPÓN DUN PEQUENO TERREO, POIDA AUTOXESTIONAR OS RESIDUOS ORGÁNICOS QUE SE PRODUCEN NO FOGAR.

Os residuos orgánicos representan, aproximadamente, a metade dos residuos xerados nos fogares. A súa xestión supón un importante impacto, tanto a nivel medio ambiental como económico.

É por este motivo polo que, dende o Concello, anímase a toda aquela veciñanza que dispoña dun pequeno terreo, a autoxestionar os residuos orgánicos mediante a compostaxe doméstica. Grazas a ela, non só se reduce a pegada de carbono, senón que tamén se pon en valor un residuo, obtendo como resultado de forma sinxela un excelente abono.

Para beneficiarse da iniciativa simplemente hai que anotarse no concello (de forma presencial ou a través da web no enlace https://mesia.rsu.gal/ ). Unha vez completado o rexistro, organizarase unha xornada formativa na que se fará a entrega de todo o material necesario. A iniciativa tamén incluirá un seguimento ao longo do ano 2024.

Esta iniciativa conta coa financiación da Consellería de Medio Ambiente e Ordenación do Territorio e do Plan de recuperación, transformación e resiliencia do Goberno de España, financiado pola Unión Europea-NextGenerationEU.

Máis información en "Ler máis".
Ler máis...
Xov, 21/12/2023
DEPORTE ABERTO NO NADAL 2023 - Concello de Mesía

Novidade no Nadal con xornadas de entretemento, de fomento e de coñecemento das actividades físicas e deportivas municipais que realizamos dende o Concello de Mesía.

Abriremos as portas das nosas clases para toda a xente que queira probar, e os que asistides con normalidade xa. Vir con algún detalle ou motivo navideño ao pavillíon de Olas.

Idades: Para maiores de 12 anos, adultos e maiores.

Inscricións: Quen queira probar só ten avisar ata 2 días antes  no teléfono  699 453 750.  (Mínimo 10 persoas  por actividade.)
Ler máis...
Xov, 21/12/2023

O Concello de Mesía publica as puntuacións provisionais obtidas  polos/as participantes do proceso de selección de mestre da especialidade nivel 1 do Obradoiro de Emprego Brañas do Illó - Río Samo VI.

Máis información en "Ler máis".
Ler máis...
Mér, 20/12/2023
XIII TORNEO MESÍA CONTRA O CÁNCRO 2023

Publicamos xa os cadros de competición, asi coma o cartel do Torneo contra o cáncro onde figuran os patrocinadores: Carpintería Ramón García, Erimsa, Campo SL. Así coma empresas e asociacións colaboradoras.

No Torneo infantil teremos 10 equipos, que xogarán na tarde do venres 22 de 15h a 20h, e no senior 9 equipos que xogarán o sábado 23 de 11:00h  a 19:30h.

Animamos ó público a acudir ao Pavillón de Olas para apoiar nestas causas solidarias co coste da entrada 2 € e compra voluntaria de rifas, a favor da AECC e AMARAI.

As furnas atoparanse xa o día 22 nesta instalación.
Ler máis...
Mér, 20/12/2023
CONCILIA XOVE - Concello de Mesía

Actividade dirixida a  rapazes/as de 14 a 16 anos.

Trátase de pasar unhas vacacións facendo actividades novidosas á vez que interesantes, e nas que exploraredes: a vosa creatividade, o sentido do ritmo, e enfrentedes a posibilidade de defendervos  dos pequenos riscos do día a día.

As actividades propostas son: Baile moderno, grafiti, primeiros auxilios e defensa persoal.

Lugar : Brañas da Valga de Visantoña.

Días: 2, 3 e 4 de xaneiro.

Prezo: 10€, as tres actividades.

Inscrición: ata o 27 de decembro. Mandar un  correo a casadacultura@concellodemesia.gal coa folla de inscrición adxuntada nesta nova. (en ler máis)
Ler máis...
Mér, 20/12/2023

O Concello de Mesía publica as puntuacións obtidas na entrevista polos/as participantes do proceso de selección de mestre da especialidade nivel 1 do Obradoiro de Emprego Brañas do Illó - Río Samo VI.

Máis información en "Ler máis".
Ler máis...
Mar, 19/12/2023

O Concello de Mesía publica o acordo de concesión de axudas relativa á convocatoria das axudas para a adquisición de equipamentos informáticos para o alumnado durante o curso 2023/2024 e que ademais serve de notificación aos/ás beneficiarios/as conforme á base oitava da dita convocatoria.

Máis informacion en "Ler máis".
Ler máis...
Mér, 13/12/2023

O Concello de Mesía informa que está aberto o prazo para participar no Programa de Termalismo Social do Imserso para o ano 2024.

Para participar no programa nas quendas dos meses de febreiro a agosto do ano 2024, as solicitudes presentaranse ata o 10 de xaneiro de 2024 e para participar no programa nas quendas dos meses de setembro a decembro do ano 2024, as solicitudes presentaranse ata o 15 de maio de 2024.


Máis información en "Ler máis" ou chamando ao departamento de Servizos Sociais do Concello de Mesía ao 981687238.
Ler máis...
Mér, 13/12/2023

O Concello de Mesía publica a lista provisional das solicitudes admitidas e excluídas relativa á convocatoria das axudas para a adquisición de equipamentos informáticos para o alumnado durante o curso 2023/2024, extracto publicado no Boletín Oficial da Provincia de A Coruña núm. 190 do 04/10/2023. Ábrese un prazo de dous días hábiles, ata o 15/12/2023, para a presentación de alegacións que estimen oportunas.
 

Máis información "Ler máis".
Ler máis...

Páxinas