Noticias

Ven, 19/06/2020
ACTIVIDADES MUNICIPAIS DE VERÁN CONCELLO DE MESIA  2020

O Concello de Mesía presenta a súa programación de actividades para este verán, nas que gardaremos as medidas preventivas requeridas pola COVID - 19.

Escolas e campus infantís e para adultos, con diversas actividades deportivas (natación, tenis e bádminton, ximnasia Circuitos, aerobic -zumba, patinaxe, aquagym) e cursos de formación (pintura e informática adultos e rapaces/zas)

Este verán non poderemos facer algúns eventos e saídas, as que estabamos habituados, coma medida preventiva polo Covid-19; agardamos voltar a normalidade nas escolas de inverno.

Mar, 16/06/2020
CD MESIA 2020

O Concello de Mesía quere dar a noraboa ao Staff técnico, xogadores, directiva e afeccionados do Club Deportivo MESÍA polo seu ascenso a Segunda Rexional, tras finalizar a liga en 2ª posición.

 

 

Mar, 16/06/2020

Mariano Iglesias Castro, Alcalde do Concello de Mesía, A Coruña,

Como consecuencia da pandemia e situación de excepcionalidade provocada polo COVID-19 e ante a próxima celebración das cacharelas de San Xoán na noite do 23 de xuño do actual,

FAGO SABER:

Que o Concello de Mesía establece unha serie de medidas para evitar accidentes e así garantir a seguridade de todos/as os/as que nelas participan:

1. Prohibese a celebración das tradicionais cacharelas de San Xoán en solo público municipal e espazos de titularidade municipal durante a noite do 23 ao 24 de xuño. Tampouco se poderán realizar as cacharelas que interrompan ou deterioren estradas, camiños e beirarrúas.
2. Permítese a realización das cacharelas en terreos particulares respectando as condicións que se recollen no plan para a transición cara unha nova normalidade, así como as condicións xerais de todos os anos.
3. Isto afecta unicamente a aquelas cacharelas que se realicen en terreos particulares, localizados en solos urbanos e de núcleos rurais, o día 23 de xuño,  a partir das 18.00 horas, as cales deberán quedar perfectamente apagadas antes das 06.00 horas do día seguinte.
4. Unicamente poderán realizarse aquelas cacharelas que foran comunicadas, por persoas maiores, vía telefónica (981687001) ao concello ata o 22 de xuño do actual.
5. Queda prohibida a queima de todo tipo de residuos (materiais que conteñan na súa composición plástico, colchóns, rodas, aerosois, produtos inflamables ou explosivos, …) e, en xeral, calquera substancia que ao arder desprenda gases ou fumes tóxicos.

Por outro lado, INFÓRMASE tamén de que non son obxecto de regulación por este aviso as comunicacións de queima de restos agrícolas amoreados, nin as autorizacións de queima de restos forestais, competencia que lle corresponde á Xunta de Galicia.

O que se fai público para xeral coñecemento.

Lun, 15/06/2020

O Concello de Mesía informa de que o día 12.06.2020, a Xunta de Galicia publicou no Diario Oficial da Galicia a ORDE do 11 de xuño de 2020 pola que se establecen as bases reguladoras para a concesión das axudas económicas ás familias de persoas usuarias de centros de atención diúrna de persoas maiores e con discapacidade durante a situación de suspensión deste servizo como consecuencia do COVID-19, a través do Bono coidado extraordinario á dependencia (código de procedemento BS900B).


Esta orde ten por obxecto establecer as bases reguladoras para a concesión de axudas económicas para os gastos derivados da contratación dun servizo de axuda no fogar, para a contratación ou ampliación de xornada de persoas coidadoras ou para paliar a diminución de ingresos por acollerse a unha excedencia ou redución de xornada para atender no domicilio ás persoas usuarias de centros de día de persoas maiores e de centros de día específicos de alzheimer, e de centros de día e ocupacionais de persoas con discapacidade, e para a contratación de servizos de estimulación física e/ou cognitiva a estas persoas, toda vez que a actividade destes centros está suspendida pola situación de crise sanitaria ocasionada polo COVID-19.

As solicitudes presentaranse preferiblemente por vía electrónica a través do formulario normalizado dispoñible na sede electrónica da Xunta de Galicia, https://sede.xunta.gal. Opcionalmente, poderanse presentar as solicitudes presencialmente en calquera dos lugares e rexistros establecidos na normativa reguladora do procedemento administrativo común.

O prazo de presentación de solicitudes será dun mes contado a partir do día seguinte ao da publicación desta orde no Diario Oficial de Galicia, ata o 13.07.2020.

Máis información en "Ler máis" ou nos Servizos Sociais do Concello de Mesía.

Lun, 15/06/2020
BONO COIDADO EXTRAORDINARIO

O Concello de Mesía informa de que o día 12.06.2020, a Xunta de Galicia publicou no Diario Oficial da Galicia a Orde do 11 de xuño de 2020 pola que se establecen as bases reguladoras das axudas ás familias con nenas e nenos de ata doce anos de idade para a conciliación na situación xerada pola COVID-19 a través do programa Bono coidado extraordinario (código de procedemento BS900C).

Esta orde ten por obxecto establecer as bases reguladoras para a concesión de axudas económicas ás familias con nenos e nenas de ata 12 anos de idade, estes incluídos, que teñan a súa residencia en Galicia para a conciliación da vida familiar e laboral durante o tempo de suspensión de actividade nas escolas infantís 0-3 e centros de ensino non universitario a consecuencia da evolución da pandemia do COVID-19.

As solicitudes, presentaranse obrigatoriamente por medios electrónicos a través do formulario normalizado (anexo I) dispoñible na sede electrónica da Xunta de Galicia, https://sede.xunta.gal.

O prazo de presentación de solicitudes será dun mes contado a partir do día seguinte ao da publicación desta orde no Diario Oficial de Galicia, ata o 13.07.2020.

Máis información en "Ler máis".

Ven, 29/05/2020
IX certame banda deseñada

Este ano seguimos co noso tradicional certame de Banda deseñada, aínda que con novas normas provocadas polas circunstancias que estamos a vivir.

O certame está dirixido ó alumnado do CPI de Xanceda e das unitarias de Olas e Visantoña.

A Banda deseñada será tamaño folio, terá que ter como mínimo dúas esceas ou viñetas. Será realizada en lingua galega. Só se poderá usar lapis, pinturas ou rotuladores. O tema do debuxo é libre pero valorarase que estea relacionada con “Ricardo Carvalho Calero” e a súa obra.

Outorgarase un premio por ciclo de cada etapa (infantil, primaria e ESO), sempre que haxa participación suficiente en todos os ciclos. De non ser así, reduciranse os premios. O premio terá un valor de 40 € en libros ou material escolar.

Para entregar as vosas obras debedes facelo ao seguinte email casadacultura@concellodemesia.gal. No correo indicaredes o curso. Cada obra terá un número que vos comunicaremos ao recibir o debuxo por @mail, e con ese número concursaredes.

O xurado estará formado por mestres, entre eles o encargado do Departamento de normalización lingüística no CPI de Xanceda, un representante da Concellería de Cultura do concello de Mesía e como presidenta Laura Romero profesional da ilustración.

A data límite para entregar os debuxos é o 30 de maio.

Calquera dúbida podedes chamar o Concello de Mesía 981687001.

Ven, 08/05/2020

O Concello de Mesía convoca as axudas por nacemento de fillos ou fillas, adopcións e acollementos producidos durante o ano 2020.

A axuda ten unha contía de 300 euros por cada nacemento, adopción ou acollemento, en pagamento único.

É compatible con calquera outra establecida polas demais administracións públicas.

As bases poden consultarse premendo aquí.

Mér, 29/04/2020

A Consellería de Medio Rural da Xunta de Galicia publicou hoxe, día 29.04.2020, no DOG núm. 82, a Resolución pola que permite solicitar queimas por razóns fitosanitarias en explotacións agrícolas profesionais. As solicitudes realizaranse por correo electrónico aos Servizos de Prevención de Incendios Forestais da Xefatura Territorial da Coruña en ccp.coruna@xunta.gal. A queima de restos agrícolas amoreados poderase levar a cabo unha vez que se reciba a correspondente autorización por correo electrónico. Tamén se reactiva a obriga de xestionar a biomasa nas faixas próximas ás vivendas.

Máis información no seguinte enlace: Consellería de Medio Rural.
 

Lun, 27/04/2020

O Estado publicou no Boletín Oficial do Estado núm. 112 do 22.04.2020 o Real Decreto – Lei 15/2020, de 21 de abril, de medidas urxentes complementarias para apoiar a economía e o emprego. Este novo paquete de medidas económicas e sociais centránse en apoiar ás empresas e aos/ás traballadores/as reforzando, complementando e ampliando as decisións adoptadas dende a segunda semana de marzo para contrarrestar o impacto do COVID-19:

- Medidas para reducir os costes operativos das PYMES e autónomos/as.
- Medidas para reforzar a financiación empresarial.
- Medidas fiscais.
- Medidas para facilitar o axuste da economía e protexer o emprego.
- Medidas de protección aos cidadáns.
 

Máis información en "Ler máis", na web do SEPE e Facebook do SEPE.

Lun, 09/03/2020


O Concello de Mesía informa de que a Consellería de Política Social da Xunta de Galicia publicou no DOG núm. 46, do 9 de marzo de 2020, a convocatoria de axudas para facilitar a obtención dos permisos de condución das clases B e C á mocidade galega coa finalidade de mellorar a súa autonomía, mobilidade e empregabilidade.


O importe da axuda será de 400 euros para a obtenicón do permiso de conducir de clase B e 650 € para o permiso de clase C.

Poderán solicitar estas axudas as persoas que teñan cumpridos os 18 anos, que estean empadroadas, cunha antigüidade mínima dun ano, na Comunidade Autónoma de Galicia, estar inscritar no Sistema Nacional de Garantía Xuvenil, e estar matriculadas nunha autoescola no momento de presentar a solicitude ou ben ter o/os permiso/s para o/os cales se solicita a axuda con data de expedición entre o 1 de xaneiro de 2020 e a data de presentación da solicitude.

O prazo de presentación da solicitude estará aberto ata o 31.07.2020, salvo que se produza con anterioridade o esgotamento do crédito orzamentario dispoñible.

Máis información chamando ao concello ou accedendo á convocatoria no seguinte enlace: convocatoria de axudas para facilitar a obtencion permisos conducion B e C.

Páxinas