O domingo 16 de abril fixemos a seguda saída de sendeirismo do ano. Foron uns 7 kms polo entorno do Río Cabalar polo Camiño Espiritual de San Pedro de Mezonzo (Vilasantar - Sobrado).
Visitamos o antigo Priorato Mosteiro de Santa Mª de Mezonzo,  e chegada con visita ao Santuario da Nosa Señora da Laxe.

Agradecemos a colaboración da Asociación A Raiña, como guías e como constructores desta bonita Ruta.

O Concello de Mesía aprobou o día 19/04/2023, por Decreto de Alcaldía núm. 137/2023, as bases reguladoras das axudas por nacemento de fillo/a, adopción e/ou acollemento durante o ano 2023 coa finalidade proporcionar apoio económico a aquelas familias na que se produza o nacemento, adopción ou acollemento dun novo membro da unidade familiar.

A dita convocatoria publicouse no BOP núm. 77, do 24/03/2023.

A axuda consistirá no pagamento único de 300,00 € por cada nacemento, adopción ou acollemento.

O prazo de solicitude destas axudas iniciarase o 25 de abril  e finalizará o 31 de decembro de 2023. 

As solicitudes presentaranse nas oficinas municipais, sen prexuízo do que dispón o artigo 16.4 da Lei 39/2015, de 1 de outubro, do procedemento administrativo común.

Máis información en "Ler máis".

O Concello de Mesía informa que a Consellería de Política Social e Xuventude, a través da Dirección Xeral de Xuventude, Participación e Voluntariado publicou onte, 17.04.2023, a ORDE do 29 de marzo de 2023 pola que se regula a oferta de prazas para actividades xuvenís dentro do programa Campaña de verán 2023 e se procede á súa convocatoria. 

As actividades que se realizarán nos campamentos serán de carácter sociocultural, recreativo, formativo e convivencial. As diferentes actividades que integran esta programación levaranse a cabo en diferentes quendas durante os meses de xullo, agosto e setembro. 

Poderán solicitar a súa participación nas actividades ofertadas nesta convocatoria as persoas mozas residentes en Galicia nacidas entre o 2005 e o 2014, ambos inclusive, é dicir, de 9 a 17 anos. As persoas nacidas no ano 2014 deberán ter feitos os 9 anos ao inicio do campamento e as persoas nacidas no ano 2005 non poderán facer os 18 anos antes da finalización do campamento.

As solicitudes presentaranse obrigatoriamente por medios electrónicos a través do formulario normalizado dispoñible na sede electrónica da Xunta de Galicia, https://sede.xunta.gal.

O prazo de presentación de solicitudes: desde o 18 de abril ata o 2 de maio.

Máis información en "Ler máis".

Prazo para a presentación de solicitudes de preinscrición de prazas para o PAI "Os Camiños" para o curso 2023-2024:
- Nenos/as que xa estiveron  neste curso e queiran renovar a praza para o vindeiro, farase na primeira quincena de maio (do 1 ao 15 de maio, ambos inclusive).
- Nenos/as que acudan por primeira vez, o prazo de preinscrición para a nova matrícula será na primeira quincena de xuño (do 1 ao 15 de xuño, ambos inclusive).

Máis información en "Ler máis"