Ante o proxecto de supresión da liña de autobús que comunica Vila de Cruces coa Coruña, a postura do goberno municipal de Mesía e dos concellos afectados é de total desacordo co recorte da liña sen ofrecer unha alternativa.

Esta liña leva funcionando dende fai máis de medio século, ofrecendo conectividade dende A Coruña, Cambre, Culleredo, Carral, Abegondo, Mesía, Boimorto, Arzúa ata Vila de Cruces.

No rural os servizos de transporte públicos son deficitarios, e o Plan de Transporte Público de Galicia tería que apostar de xeito decidido polo mantemento das liñas de autobús e o impulso dunha mobilidade sostibel e respetuosa co noso medio ambiente

Pola contra asestalle un golpe definitivo á mobilidade no rural, engádese un grave prexuízo dende o punto de vista turístico aos peregrinos, nos puntos polos que transcorre o Camiño Inglés e aos visitantes dos concellos do interior coruñes.

Evitar que se materialice a supresión deste servizo de transporte si é unha aposta por vertebrar o noso territorio e fixar poboación.

Por todo elo solicitamos que se manteña a liña nas mesmas condicións que se veu facendo atá o de agora.

Achégase os enlaces coa información de referencia da Dirección Xeral de Mobilidade da Xunta de Galicia:

Enlace do proceso de planificación e licitación dos servizos de transporte público de viaxeiros a partir do sábado 19 de setembro comezará a prestación de servizos co grupo de novos contratos:

✳️https://infraestruturasemobilidade.xunta.gal/seccion-tema/c/CIV_Transporte_de_viaxeiros?content=Direccion_Xeral_Mobilidade/Transporte_publico_Galicia/seccion.html

✳️ De igual xeito, existen fichas informativas cos servizos que estes novos contratos prestarán no ámbito de cada concello, fichas que serán accesibles para o público en xeral na web www.bus.gal