O CONCELLO DE MESÍA CELEBRA A SÚA FESTA DE ENTROIDO 2015
Sáb, 14/02/2015
O Concello de Mesía celebrou esta tarde a súa Festa de Entroido 2015, á que acudiron numerosas persoas de todas as idades, unha gran proporción disfrazados. O desfile de disfraces foi unha das actividades máis seguidas, aínda que os máis pequenos encheron tamén as diversas atraccións preparadas para a festa, como o futbolín humano, os xogos inchables, o touro mecánico ou o circuíto de bicis. Os obradoiros contaron tamén cunha elevada participación, de maneira que numerosos nenos e nenas saíron da festa coas chapas e marionetas elaboradas por eles mesmos. E tamén marcharon cun agasallo todos os que se presentaron disfrazados na festa. Como sempre, houbo unha gran variedade de referencias nos disfraces. A festa, no pavillón polideportivo municipal en Xanceda, ofreceu tamén unha merenda con larpeira, chocolate e refrescos.
O Concello de Mesía celebrou esta tarde a súa Festa de Entroido 2015, á que acudiron numerosas persoas de todas as idades, unha gran proporción disfrazados. O desfile de disfraces foi unha das actividades máis seguidas, aínda que os máis pequenos encheron tamén as diversas atraccións preparadas para a festa, como o futbolín humano, os xogos inchables, o touro mecánico ou o circuíto de bicis. Os obradoiros contaron tamén cunha elevada participación, de maneira que numerosos nenos e nenas saíron da festa coas chapas e marionetas elaboradas por eles mesmos. E tamén marcharon cun agasallo todos os que se presentaron disfrazados na festa. Como sempre, houbo unha gran variedade de referencias nos disfraces. A festa, no pavillón polideportivo municipal en Xanceda, ofreceu tamén unha merenda con larpeira, chocolate e refrescos.