O Concello de Mesía informa de que hoxe, 06/10/2021, saíu publicado no Boletín Oficial da Provincia da Coruña o extracto polo que se convocan as axudas para transporte escolar durante o curso 2021-2022.

O prazo para presentar as solicitudes comeza mañá día 7 ata o 29 de outubro de 2021, ambos os dous inclusive.

Máis información en "Ler máis".

O Concello de Mesía publica as bases reguladoras do procedemento de selección do alumnado e do persoal directivo, docente e administrativo do Obradoiro de emprego Brañas de Illó-Río Samo IV.

As ditas bases están expostas ao público no taboleiro de anuncios da Oficina de Emprego de Ordes e nos taboleiros de anuncios e na páxina web da entidade promotora e concellos asociados.

Máis información en "Ler máis".

A CONSELLERÍA DE EMPREGO E IGUALDADE, DA XUNTA DE GALICIA ACABA DE CONCEDER AO CONCELLO DE ORDES, FRADES E MESÍA UN NOVO OBRADOIRO DUAL DE EMPREGO DENOMINADO: “BRAÑAS DO ILLÓ-RÍO SAMO IV”.

Este obradoiro é promovido polo Concello de Ordes xunto cos Concellos de Frades e Mesía.

Será un obradoiro dual cun contrato de formación e aprendizaxe durante nove meses e no que se poderá optar a un contrato ao final do obradoiro nunha empresa do sector forestal, de tres meses máis.

As especialidades que se impartirán son:
- Actividades auxiliares en conservación e mellora de montes. Nivel 1.
- Repoboacións forestais e tratamentos silvícolas. Nivel 2.

Todas aquelas persoas interesadas en participar na selección tanto como persoal directivo, docente e de apoio ou como alumnado-traballador deberán estar inscritos no Servizo Público de Emprego de Galicia e ter solicitado neste último caso os obradoiros duais de emprego, tendo como data límite ata o venres día 24 de setembro de 2021. O prazo xa estivo aberto durante todo o ano.

AVISO MOI IMPORTANTE DADA A SITUACIÓN OCASIONADA POLA PANDEMIA DO COVID-19: PARA PODER ACUDIR Á OFICINA DE EMPREGO  DE ORDES DEBERÁN PEDIR CITA PREVIA A TRAVÉS DE CALQUERA DE ESTOS MEDIOS:
- NOS NÚMEROS DE TELÉFONO: 012 ou calquera teléfono da oficina de emprego de Ordes(881 960 455/456/457).
-  A TRAVÉS DA PÁXINA WEB: http://emprego.xunta.gal
- A TRAVÉS DA APLICACIÓN : MOBEM.

Máis información en "Ler máis" ou chamando ao concello ao 981687001.

O Concello de Mesía informa de que a Consellería de Política Social da Xunta de Galicia publicou hoxe, 13.08.2021, no DOG núm. 155, a ORDE do 3 de agosto de 2021 pola que se establecen as bases reguladoras das axudas para facilitar a obtención dos permisos de condución clases B e C á mocidade galega, dirixidas ás persoas inscritas no Sistema nacional de garantía xuvenil no ámbito da Comunidade Autónoma de Galicia con cargo ao Programa operativo de emprego xuvenil, e se procede á súa convocatoria para o ano 2021.

O importe da axuda será de 400 euros para a obtención do permiso de conducir de clase B e de 650 euros para o permiso de clase C.

Poderán solicitar estas axudas as persoas que teñan cumpridos os 18 anos, que estean empadroadas cunha antigüidade mínima dun ano na Comunidade Autónoma de Galicia, que estean inscritas no Sistema de Garantía Xuvenil e que estean matriculadas nunha autoescola no momento de presentar a solicitude ou ben ter os/as permiso/s para o/os cales se solicita a axuda con data de expedición entre o 1 de xaneiro de 2021 e a data de presentación da solicitude da axuda.

O prazo de presentación da solicitude estará aberto ata o 13.09.2021.

As solicitudes presentaranse obrigatoriamente por medios electrónicos a través do formulario normalizado dispoñible na sede electrónica da Xunta de Galicia, https://sede.xunta.gal (Procedemento BS321A).

Máis información en "Ler máis".