O Concello de Mesía informa de que o Instituto Galego de Vivenda e Solo (IGVS) da Xunta de Galicia vén de publicar no DOG núm. 38 do 26.02.2020 a Resolución do 06.02.2020 pola que se convocan distintas liñas de subvencións para actuacións de rehabilitación dirixidas a persoas físicas, entre outros beneficiarios, para o ano 2020:

- Programa de fomento da mellora da eficiencia enerxética e sustentabilidade e de fomento da conservación, da mellora da seguridade de utilización e da accesibilidade en vivendas,  que se tramitará co código de procedemento VI422E. O prazo de presentación das solicitudes de subvención rematará o 26.03.2020 ou ata o esgotamento de crédito.

- Programa de fomento da mellora da rexeneración e renovación urbana e rural, correspondente ás áreas de rehabilitación integral (ARI) de Camiños de Santiago, que se tramitará co código de procedemento VI408H. O prazo de presentación das solicitudes de subvención rematará o 30.10.2020 ou ata o esgotamento de crédito.

- Programa Rehaluga para as persoas propietarias ou usufrutuarias das vivendas en trámite de incorporación no marco do Programa de vivendas baleiras, que se tramitará co código de procedemento VI426C. O prazo de presentación das solicitudes de subvención rematará o 10.11.2020 ou ata o esgotamento de crédito.
 

Máis información en "Ler máis".

O Concello de Mesía presenta as novas actividades, eventos e saídas para a primavera 2020.

En marzo empezamos co Entroido na Festa o día sábado 22 de febreiro. Despois desenrolaremos a nova Campaña "Tecendo igualdade": con actividades en colaboración co CPI Xanceda, coa mesa redonda "E tí quén ves sendo? " dirixida as alumn@s da ESO e actividades en prol da Igualdade para os alumn@s de infantil e primaria".

O 2 de marzo, charla-taller Vespa Velutina.

A Consellería de Cultura e Turismo publicou no DOG núm. 19, do 29.01.2020, a Resolución do 17 de xaneiro de 2020, da Secretaría Xeral de Política Lingüística, pola que se anuncia, con carácter voluntario e gratuíto, a convocatoria de cursos de lingua galega preparatorios das probas para obter os certificados de lingua galega Celga 1, Celga 2, Celga 3 e Celga 4 na modalidade presencial e de teleformación.

O prazo de presentación de solicitudes será ata o 19 de febreiro de 2020.

Por outro lado, informámolos/as de que o Servizo de Normalización Lingüística da Mancomunidade de Ordes realizará un curso preparatorio do celga 4. O curso terá unha duración  de 40 horas e será do 2 de marzo ao 27 de abril de 2020, en dúas sesións de mañá á semana, luns e xoves de 10:00 a 12:30 horas. O prazo para inscribirse remata o 21 de febreiro de 2020.

Para máis información en "Ler máis" ou chamar ao concello ao 981 687 001.

O Concello de Mesía adheriuse ao programa de compostaxe doméstica promovido por Sogama co fin de reciclar e recuperar in situ a materia orgánica producida nos fogares, o que, sen dúbida, supoñerá importantes beneficios ambientais, económicos e sociais para o noso municipio e, en definitiva, para a nosa veciñanza.

Sogama dotará ao concello de 25 composteiros de 400 litros de capacidade e fabricados con materiais reciclados e reciclables, que se distribuirán aos/ás veciños/as do municipio que o soliciten. Así mesmo tamén se lles entregará un manual explicativo que lles axudará na realización da compostaxe doméstica, propiciando así a recuperación da materia orgánica na súa orixe e obtendo compost, produto con excelentes propiedades como fertilizante.

Para ter un composteiro, os/as veciños/as terán que solicitalo chamando ao concello ao 981687001 e acudir obrigatoriamente a charla que realizarán os técnicos de Sogama o día 27 de febreiro do actual ás 17:00 h. na Casa da Cultura, Xanceda. Os composteiros repartiranse nesta charla. No caso de haber máis solicitudes que composteiros sortearanse ese mesmo día diante dos/as asistentes.