O Concello de Mesía adheriuse ao programa de compostaxe doméstica promovido por Sogama co fin de reciclar e recuperar in situ a materia orgánica producida nos fogares, o que, sen dúbida, supoñerá importantes beneficios ambientais, económicos e sociais para o noso municipio e, en definitiva, para a nosa veciñanza.

Sogama dotará ao concello de 25 composteiros de 400 litros de capacidade e fabricados con materiais reciclados e reciclables, que se distribuirán aos/ás veciños/as do municipio que o soliciten. Así mesmo tamén se lles entregará un manual explicativo que lles axudará na realización da compostaxe doméstica, propiciando así a recuperación da materia orgánica na súa orixe e obtendo compost, produto con excelentes propiedades como fertilizante.

Para ter un composteiro, os/as veciños/as terán que solicitalo chamando ao concello ao 981687001 e acudir obrigatoriamente a charla que realizarán os técnicos de Sogama o día 27 de febreiro do actual ás 17:00 h. na Casa da Cultura, Xanceda. Os composteiros repartiranse nesta charla. No caso de haber máis solicitudes que composteiros sortearanse ese mesmo día diante dos/as asistentes.

A Consellería de Economía, Emprego e Industria da Xunta de Galicia publicou no DOG núm. 3, do 07.01.2020, axudas destinadas ás empresas ao abeiro do programa 'Galicia Emprega', que ten como obxectivo impulsar a formación e contratación de mozos/as, persoas con discapacidade, mulleres e parados/as de longa duración. “Galicia Emprega” abrangue catro liñas: “Emprega Xuventude”, “Emprega discapacidade e exclusión”, “Emprega Muller” e “Emprega parados de longa duración”.

Máis información en “Ler máis” ou chamando ao concello.

O Concello de Mesía presenta as actividades, eventos e saídas para este Nadal e inverno.

Poden ver o boletín completo entrando en "Ler máis".

A Consellería de Economía, Emprego e Industria da Xunta de Galicia publicou, no DOG número 226 do 27 de novembro de 2019, a convocatoria pública para o ano 2020 do procedemento de recoñecemento das competencias profesionais adquiridas a través da experiencia laboral, na Comunidade Autónoma de Galicia, en determinadas unidades de competencia do Catálogo nacional de cualificacións profesionais, cofinanciado nun 80% polo FSE con cargo ao programa operativo FSE Galicia 2014-2020.
 

O prazo de inscrición rematará o 27 de decembro de 2019.
 

Para máis información pulse en "Ler máis..." e/ou chame ao concello ao teléfono 981 687 001 en horario de 8.00 a 15.00 horas.