Noticias

Lun, 22/03/2021
NOVAS DE PRIMAVERA 2021 - Concello de Mesía

O Concello de Mesía presenta as novas actividades, saídas e avisos para a primavera 2021:

- Estudantado: achegas de máscarillas e préstamo de ordenadores e impresoras.

- Infancia: Campamento Xoecon Semana Santa e Prazos de presentación de solicitudes para o Punto de Atención a Infancia.

- Xuventude: Voluntariado xuvenil  e saídas

- Saídas de sendeirismo en abril e maio.

- Ximnasia en liña.

- Formación para adultos e maiores: curso de alfabetixación dixital.

- Información de Recollida residuos voluminosos

Ademáis temos algún aviso  de Servizos sociais e máis as obras previstas a realizar no 2021.

Lembrade anotarvos nos tempos marcados para cada actividade, que as prazas voan!

Lun, 22/03/2021

O Concello de Mesía informa de que o Instituto Galego de Vivenda e Solo (IGVS) da Xunta de Galicia publicou no DOG núm. 54 do 22.03.2021 a Resolución do 05.03.2021 pola que se convocan, polo procedemento de concorrencia non competitiva ata esgotar o crédito dispoñible previsto, distintas LIÑAS DE SUBVENCIÓNS para actuacións de rehabilitación dirixidas a persoas físicas, entre outros beneficiarios, para o ano 2021:

- Programa de fomento da conservación, da mellora da seguridade de utilización e da accesibilidade en vivendas
,  que se tramitará co código de procedemento VI422E. O prazo de presentación das solicitudes de subvención rematará o 22.04.2021 ou ata esgotamento de crédito.

- Programa de fomento da rexeneración e renovación urbana e rural, correspondente ás áreas de rehabilitación integral (ARI) de Camiños de Santiago
, que se tramitará co código de procedemento VI408H. O prazo de presentación das solicitudes de subvención rematará o 30.09.2021 ou ata esgotamento de crédito.

Máis información en "Ler máis".

Xov, 18/03/2021
APERTURA PRAZOS SOLICITUDE PRAZAS PARA O PUNTO DE ATENCIÓN Á INFANCIA MUNICIPA

Prazo para a presentación de solicitudes de preinscrición de prazas para o PAI para o curso 2021/2022:

Nenos/as que xa estiveron  neste curso e queiran renovar a praza para o vindeiro, farase na primeira quincena de maio (do 1 ao 15 de maio, ambos inclusive).

 Nenos/as que acudan por primeira vez, o prazo de preinscrición para a nova matrícula será na primeira quincena de xuño (do 1 ao 15 de xuño, ambos inclusive).

Achegamos o Decreto no que se resolve abrir os prazos e os anexos de solicitude.

Xov, 18/03/2021
CAMPAMENTO  XOECON SEMANA SANTA CONCELLO DE MESÍA 2021

Aberto o prazo de INSCRICIÓN para o Campamento: ata o mércores 24 de marzo. Actividade gratuita.

Prazas Limitadas por orde de inscrición.

   - Cubrir a folla de inscrición, que atoparedes entrando nesta nova.

   - Enviala ao mail casadacultura@concellodemesia.gal.

   - Venres 26 de marzo informámosvos do listado definitivo do campamento.

Dom, 07/03/2021
8MMESIA - CONCELLO DE MESIA 2021

Para conmemorar o DÍA DA MULLER, o Concello de Mesía realizará diversas actividades:

VOTACIÓNS DURANTE O DÍA _8M_ DO CONCURSO:"FÓRMULAS PARA ACADAR A IGUALDADE".

VIDEO das fotos da campaña do ano pasado, “RETRÁTATE POLOS COIDADOS”.

Nos colexios: obradorio e xincana.

Lun, 01/03/2021
Rutas de Transporte Público

Logo do proceso de planificación e licitación dos servizos de transporte público de viaxeiros que se levou a cabo pola Dirección Xeral de Mobilidade da Xunta de Galicia, informase dos novos horarios que afectan ao concello de Mesía.

Podes consultar horarios e servizos das novas empresas nas fichas informativas que acompañan a nova.

Ven, 26/02/2021
CONCURSO "FÓRMULAS PARA ACADAR A IGUALDADE"- Concello de Mesía 2021

En Mesía seguimos Tecendo Igualdade e gustaríanos saber cales son as vosas fórmulas para acadar a igualdade.

Este concurso quere valorar as fórmulas que máis ME GUSTA  reciban tras  publicalas no noso facebook o día 8 de marzo.

CLICA en LER MÁIS para saber as BASES DO CONCURSO.

Xov, 25/02/2021
ACTIVIDADE DE  “TEMPO FÓRA”  PARA MAIORES DESDE A CASA - Concello de Mesía 2021

Despois de varias visitas os domicilios dos participantes para deixarlles actividades de entretemento queremos amosarvos que non estamos parados/as!!!!! a actividade está presente doutro xeito, velaí vai o vídeo a nosa xente traballando na casa arreo para non perder a costume, distraerse e manterse activos/as para fortalecer e rehabilitar a memoria. 

CLICA AQUI PARA VER O VÍDEO

Agardamos estar de volta moi pronto xa que a xente bota de menos a actividade presencial, a socialización cos/cas veciños/as é moi importante.

Moito ánimo para todos/as e como di o refrán: “Nunca choveu que non escampara”

Temos libriños de actividades para quen estea interesado/a: podedes solicitalos no concello ou no Teléfono: 699 453750.

Mar, 23/02/2021
Parque eólico Legre

Consultas para a elaboración do documento de alcance do estudo de impacto ambiental do Proxecto Eólico Legre cunha potencia de 37,95 MW ubicado entre os termos municipais de Mesía e Oza-Cesuras e a súa infraestrutura de evacución.

O parque eólico Legre constará de 7 aéroxeradores Siemens Gamesa 6.0-170 de hasta 6 MW de potencia nominal unitaria, con una potencia de total instalada de 37,95 MW, Altura de buxa: 115 m e Diámetro de rotor: 170m

Mar, 23/02/2021
AGASALLO MÓVETE MESÍA - Concello de Mesía

O CONCELLO DE MESÍA entregará unha mochila multifuncional de agasallo "MÓVETE MESÍA" a cada participante nesta promoción da actividade física e deportiva, que tan necesaria se fai nestes tempos.

Os pasos que debedes seguir son:

1) Envía unha imaxe facendo algunha actividades física ou deporte; especificando o nome, lugar e data: pode ser nas actividades municipais (en liña na actualidade), ou en calquera das instalacións deportivas municipais, ou identificando outro lugar onde o fagades (sempre que estea dentro do concello).

2) Envía ao mail: actividades@concellodemesia.gal

3) Mira a imaxe publicada no Facebook Deporte Concello Mesia

4) Achégate a Casa da Cultura polo agasallo.

Páxinas