O punto limpo dos concellos de Frades e de Mesía abrirá as súas portas o vindeiro mércores 3 de agosto no lugar de Alamparte, parroquia de Céltigos (Frades), que dará servizo aos veciños e veciñas empadroados en ambos municipios. Unha parcela emprazada a pé da N-634, polo que é de doado acceso tanto para os veciños de Frades como para os de Mesía. Inicialmente, os horarios de atención ao público serán os mércores, de 16:00 a 20:00 horas, e os sábados, de 12:00 a 16:00 horas.

60 rapazas e rapaces de 4 a 14 anos compartiron tres semanas de campamento nas instalacións do Concello de Mesía: Brañas da Valga, Piscinas Mata Xanceda, Casa da Cultura, Campo fútbol e Polideportivo de Visantoña. Cunha temátca das olimpiadas fixeron xogos acuáticos, miniaolimpiadas, obradoiros de medallas, antorchas, tónico para golpes, cociña en inglés, baile, contacontos, ximkanas, roteiro, piscina e tamén realizaron dúas saídas ao Aquapark, e outra de multiaventura.

A edición 2016 do TORNEO INTERPARROQUIAL DE FÚTBOL CONCELLO DE MESÍA xogouse en dúas xornadas por mor da gran participación: o sábado 16 de xullo cas categorías de base e o domingo 17 ca de senior. Cun total de 11 equipos e 150 xogador@s, foi unha das edicións máis numerosas. O Concello repartiu medallas para todos os participantes de fútbol 5 e 8, así coma Copas aos campións e subcampións de cada categoría.

O Concello de Sobrado en calidade de promotor xunto cos concellos de Mesía, Curtis, Boimorto, Vilasantar e Toques vai desenvolver un novo obradoiro de emprego (só para persoas desempregadas maiores de 18 anos) financiado pola Consellería de Economía, Emprego e Industria.

As especialidades que se van impartir son:

Atención sociosanitaria a persoas no domicilio.

Atención sociosanitaria a persoas dependentes en institucións sociais.