Noticias

Mar, 23/02/2016
BENESTAR BALNEARIOS 2016

Convócanse un total de 607 prazas en Galicia para participar no programa da Xunta de Galicia de Benestar en balnearios. Se vostede ten cumpridos os 60 anos de idade ou ten máis de 55, é pensionista e está empadroado nalgún concello galego; pode acollerse ó programa de BENESTAR EN BALNEARIOS PARA PERSOAS MAIORES.

Lun, 22/02/2016
Cita previa Servizos sociais

Polo actual ponse en coñecemento dos veciños a instauración do Servizo de Cita Previa nos Servizos Sociais do noso concello.

Deste xeito, cando precisen acudir ós mesmos deberán chamar ó 981 68 72 38 para concertar o día e a hora da visita.

 

Sáb, 13/02/2016
Panorámica da  Festa

Case 300 entroideiros viviron a Festa de Entroido 2016 do Concello de Mesía o 13 de febreiro. Os nenos e maiores, que se achegaron ao Pavillón de Visantoña, desfrutaron dunha divertida tarde con obradoiros, inchables, desfile de disfraces, regalos e gran merenda con chocolate e rosca.

Lun, 25/01/2016
Cartel entroido 2016

O Concello de Mesía celebra a súa Festa de Entroido o sábado 13 de febreiro (16 horas) no polideportivo municipal en Visantoña. Haberá inchables, obradoiros, o desfile de disfraces e merenda.

Ven, 08/01/2016

Estación invernal de LeitariegosO Concello de Mesía informa de que xa está aberto o prazo para solicitar unha das tres prazas que lle corresponden ao municipio na 'Campaña de Esquí 2016' da Deputación da Coruña. Poden participar rapaces e rapazas que nacesen entre 2001 e 2005, ambos os dous incluídos. A saída será do 6 ao 11 de marzo. Ten un prezo de 95 euros. Se hai máis solicitudes que prazas, serán outorgadas mediante un sorteo público. 

Mar, 05/01/2016
Cachibol de Nadal

Este mediodía concluíron no pavillón polideportivo municipal en Olas as tres xornadas que o Concello de Mesía reservou para a práctica do cachibol na súa programación de Nadal.

Nestas sesións participaron unhas vinte persoas. Desenvolvéronse os días 21 e 28 de decembro e 5 de xaneiro, entre as once da mañá e as doce e media do mediodía.

Esta actividade foi gratuíta e aberta a todos os participantes, non só ás persoas que durante todo o curso participan nas clases de cachibol da programación xeral de actividades.

Mar, 05/01/2016
Os Reis Magos en Mesía

Os Reis Magos visitaron esta tarde Mesía, nunha festa de recepción que se lles ofreceu como adianto á visita que esta oite farán a cada unha das casas do municipio. Os nenos e nenas foron os grandes protagonistas do acontecemento, que tivo lugar no pavillón municipal en Visantoña, recentemente acondicionado.

Xov, 31/12/2015

As dúas saídas lúdicas programadas polo Concello de Mesía durante estas festas de Nadal superaron os cen participantes cada unha. En concreto, a excursión de patinaxe e cine á Coruña contou con 105 persoas e a visita ao salón de ocio Xuvenlugo chegou ás 120. 

Mér, 30/12/2015

Cartel da Festa dos Reis Magos de 2016A Festa dos Reis Magos será este ano no pavillón municipal en Visantoña, situado a carón do colexio do Pedrouco. A celebración desenvolverase entre as 16:30 e as 20 horas do 5 de xaneiro. Para participar nesta festa, cómpre inscribirse na Casa da Cultura, chamando ao teléfono 981 68 72 41.

Mér, 30/12/2015

O Concello de Mesía informa de que está aberto o prazo de solicitude de axudas para a rehabilitación de vivendas no Camiño de Santiago, das que no noso municipio pode beneficiarse a parroquia de San Lourenzo de Bruma. Os solicitantes das axudas, xestionadas polo Instituto Galego da Vivenda e Solo, poderán financiar con cargo a esta convocatoria ata o 35 % do orzamento subvencionable das obras de rehabilitación, cun límite máximo de axuda de 11.000 euros por vivenda.

Páxinas