O Concello de Mesía acaba de presentar a súa programación de actividades culturais e deportivas para o verán 2014. Inclúe escolas de verán e campus infantís, actividades e escolas para adultos, obradoiros específicos para a xuventude, varios eventos deportivos e diversas saídas lúdicas, entre elas o programa 'Imos á praia'. Boa parte da programación terá como epicentro a piscina municipal e o complexo deportivo adxacente, que abren este sábado 21 de xuño. As inscricións para as escolas de verán, que comezan o 7 de xullo, poden efectuarse ata o 30 de xuño. Toda a programación neste boletín.
Ficha de inscrición.

O Concello de Mesía informa de que a Xunta de Galicia decidiu prohibir as queimas ata novo aviso polas condicións meteorolóxicas. De acordo coa situación actual e as previsións meteorolóxicas para os vindeiros días, as comunicacións e autorizacións de queima carecen de validez.