O venres 1 de xuño tivo lugar a Festa de clausura das escolas municipais deportivas e culturais, e actividades físicas e culturais de adultos e maiores 2017/18.
Reuníronse máis de 200 persoas no Pavillón do CPI Xanceda para ver as exhibicións das actividades, así coma a entrega de Diplomas, agasallo da Camiseta e Merenda.

100 nen@s e xuventude participaron nas escolas municipais: xogos psicomotores e pequebaile, iniciación a patinaxe, patinaxe artístico, aerobic primaria 1, 2  e aerobic secundaria, baile e música galega e tamén inglés e informática en varios grupos. A novidade deste ano foi a ximnasia rítmica en dous grupos, a escola de música e baile galego, así coma o grupo de Visantoña Xogos e Pequebaile.

Duplícanse case os participantes no caso dos maiores e adultos, actividades repartidas en: ximnasia de mantemento, 3 grupos de pilates, aerobicZumba, cachibol, 7 grupos de ximnasia de maiores, 8 grupos de tempo fora.

Poden verse máis imaxes da festa no Facebook Deporte Concello Mesia: ÁLBUM FOTOS FESTA

En breve publicaremos vídeo da xornada.