O  Concello de Mesía publica a lista provisional de admitidos-excluídos do proceso de selección dos postos de funcionarios/as interinos/as por proxecto do persoal directivo, docente e de apoio para o obradoiro de emprego Brañas do Illó - Río Samo VIII aprobada hoxe.

Máis información en "Ler máis".

A programación das "Letras Galegas 2026" comezará coa presentación do libro “Catálogo do cantar de cego galego volume 1. Voandeiras. Crónica e descrición de persoas, músicas e cantadelas”, de Baldomero Iglesias; unha obra centrada na recuperación e divulgación da tradición oral galega.

Os centros educativos do concello tamén participarán activamente nesta celebración con distintas actuacións culturais:
- Inventi Teatro representará “As palabras perdidas” no CPI de Xanceda.
- Cris de Caldas levará o espectáculo “Pan de Broa” ás escolas unitarias de Visantoña e Olas.
Ademais, tamén ofrecerá unha sesión especial en formato de 0 a 3 anos no PAI Os Camiños.

Entre as actividades destaca tamén o concurso “Mesía con Begoña nas Ondas”, unha iniciativa que quere achegar a figura de Begoña Caamaño á veciñanza a través da creación audiovisual.

As persoas participantes deberán gravar un pequeno vídeo de entre 3 e 4 minutos no que conten algún aspecto da vida ou da obra da autora, coma se fosen xornalistas. Tamén poderá incluírse a lectura dun fragmento dun texto da escritora.

Os vídeos deberán enviarse ao correo casadacultura@concellodemesia.gal  ata o día 27 de maio.

Entre todas as propostas estableceranse categorías segundo as idades e repartiranse 4 vales de 50 euros para gastar nunha libraría.

Dende o Concello anímase á participación nesta programación das Letras Galegas 2026, unha oportunidade para seguir reivindicando a nosa lingua e coñecer máis de preto o legado de Begoña Caamaño.

Máis información en "Ler máis".
 

O Concello de Mesía informa de que, ao abeiro do establecido no artigo 8 da Lei 4/2013, do 30 de maio, de transporte público de persoas en vehículos de turismo de Galicia, convocou a través do seu Perfil do Contratante, aloxado na Plataforma de Contratación do Sector Público, concurso público para a adxudicación de dúas licenzas de taxi.

Os interesados poderán acceder á información deste concurso no seguinte enlace: EXPTE. C04-2026. CONCESION DÚAS LICENZAS TAXI. 

O prazo de presentación de solicitudes é ata o día 06/05/2026.

Máis información en "Ler máis".
 

O Concello de Mesía informa que o persoal do Servizo de Infraestruturas Agrarias do Departamento territorial da Consellería de Medio Rural de A Coruña achegarase o día 17 DE ABRIL do actual á Casa da Cultura (Xanceda) de 10 a 14 horas para a entrega dos TÍTULOS DE PROPIEDADE da concentración parcelaria de Xanceda (Mesía).

Os propietarios que teñan o RECIBÍ CUBERTO do  mes de marzo non esquezan que DEBERÁN ENTREGALO para a retirada do título.

Os propietarios que non teñan o dito recibí, deberán achegar a seguinte DOCUMENTACION:
- PROPIETARIOS:  DNI
- AUTORIZADOS: COPIAS DNI PROPIETARIO e AUTORIZADO, AUTORIZACIÓN ASINADA POLO PROPIETARIO
- HERDEIROS: CERTIFICADO DE DEFUNCIÓN, TESTAMENTO OU DECLARACIÓN DE HERDEIROS e PARTICION NOTARIAL DE HERDANZA DE SER O CASO
- COMPRADORES: ESCRITURA PÚBLICA DE ADQUISICIÓN DE PREDIOS DE SUSTITUCIÓN.

A partir do 20 de abril os títulos de propiedade que non se recollan estarán a disposición dos interesados en: SERVIZO DE INFRAESTRUTURAS AGRARIAS DA CORUNA. EDIFICIO ADMINISTRATIVO MONELOS EDIFICIO ADMINISTRATIVO MONELOS, BỦA DE VICENTE FERRER 2.6° ANDAR RUA DE VICENTE FERRER, 2-6° ANDAR.

Máis información chamando ao concello ao 981687001.