Noticias

Dom, 16/07/2023
ANDAINA 2023 - Concello de Mesía

Este evento organizase como novidade para dar máis resposta á veciñanza deportista do Concello de Mesía, tomando así o relevo da Carreira Popular.

PARA INSCIBIRSE ATA O DÍA 19 DE XULLO , haberá que cubrir o Formulario Clicando aquí. (Tamén no teléfono 609353115, aportando toda a información.)

A idea é facer unha andaina adaptada a todas as idades e niveis deportivos. Comezaremos cunha Andaina sinxela de 4-5 kms as 10:30h arredor de Bruma. Tras a chegada faremos as Carreiras de menores cun Circuito de axilidade, onde as crianzas recibirán unha medalla por esforzarse en correr nesta mañan de sábado a beira no hórreo de Casa Graña, colaborador principal desta 1ª edición.

Precisamente o escenario deste evento deportivo será a Explanada de Casa Graña; onde estará localizada a Mesa da organización para recollida de dorsais, a sáida e chegada da Andaina, a zona Circuito infantil, a zona de refrixerio, e para quen desexe quedarse...o xantar cun menú de 20 € (de 13 anos en adiante) e de 10€ (7-12 anos).
Ler máis...
Mér, 12/07/2023
TORNEO INTERPARROQUIAL 2023: CADRO DE COMPETICIÓN

O Torneo deste ano será o domingo 16 de xullo en categoría senior e máis de 16 anos. Comeza as 16h e remata as 19:30, ca entrega de trofeos. 

CARACTERÍSTICAS DO TORNEO:

Os partidos de F11 serán de 30 minutos (sen descanso).
Cada equipo xogará 3 partidos.
Sistema competición: Liga (Penaltis solo si hay empate neses partidos).

Cada equipo recibirá augas antes de cada encontro, e os 2 primeiros clasificados acadarán Trofeo.
Ler máis...
Mar, 11/07/2023

O Concello de Mesía informa de que a Consellería de Política Social e Xuventude publicou no DOG núm.  126 do 04/07/2023 a ORDE do 22 de xuño de 2023 pola que se establecen as bases para a concesión das axudas económicas ás familias para a conciliación en situacións puntuais e períodos de vacacións escolares a través do programa Bono Concilia Familia, e se procede á súa convocatoria para o ano 2023. 

Estas axudas están dirixidas ás familias con nenos e nenas residentes en Galicia  de ata doce anos de idade, estes incluídos, para a atención de necesidades de conciliación de carácter puntual ou durante os períodos de vacacións escolares,  que teñan lugar entre o 1 de xaneiro e o 8 de setembro  de 2023.

As solicitudes presentaranse obrigatoriamente por medios electrónicos a través do formulario normalizado dispoñible na sede electrónica da Xunta de Galicia, https://sede.xunta.gal ata o 15/09/2023.

Máis información en "Ler máis".
Ler máis...
Ven, 07/07/2023



O Concello de Mesía no día de hoxe, 07/07/2023, publica na páxina web e no taboleiro de anuncios da sede electrónica municipal o Decreto de Alcaldía polo que se aproban as listas definitivas de admitidos/as-excluídos e de agarda das prazas do Punto de Atención á Infancia Municipal "Os Camiños" para o curso 2023-2024.


A matrícula farase do 10 ao 28 de xullo do actual, ambos os dous incluídos, debendo presentarse no Rexistro Xeral do Concello a documentación establecida no artigo 8.3. do Regulamento de réxime interno do Punto de atención á infancia “Os Camiños” xunto coa aceptación da praza (Anexo III).

A non presentación da dita documentación en prazo entenderase como renuncia á praza.

Máis información en "Ler máis".
Ler máis...
Xov, 06/07/2023
TORNEO INTERPARROQUIAL FÚTBOL 2023 - Concello de Mesía

Presentamos o Torneo de fútbol interparroquial 2023 que se xogará no Campo municipal de Visantoña os días 15 e 16 de xullo.

INSCRICIÓN ATA O 10 DE XULLO POR EMAIL DOS EQUIPOS por parroquias. Máximo 3 comunitarios (xente que non sexa da parroquia).

Enviando o cadro de inscrición a actividades@concellodemesia.gal ou tlf: 609353115.
Ler máis...
Xov, 29/06/2023
XIMNASIA AIRE LIBRE - Concello de Mesía

A veciñanza do Concello de Mesía está de sorte con esta novidosa actividade para todas as idades os mércores en horario 10:30-11:30h no Complexo deportivo de Mata - Xanceda.

Quedamos con roupa cómoda, calzado deportivo, botella de auga e gorra!

Buscamos exercitar o noso corpo con exercicios - xogos - bailes, a un ritmo adaptado a cada un.

Vémonos o día 5 para movernos pola nosa SAÚDE!!
Ler máis...
Xov, 29/06/2023
RUTA DE SENDEIRISMO: SADA - CARNOEDO Concello de Mesia

O domingo, 25 de XUÑO, o grupo de sendeirismo con 33 persoas fixemos a cuarta saída do ano Concello Mesía

Foron uns 10 kms pola costa das Mariñas coruñesas entre Sada e Carnoedo.

A próxima quedada será na ANDAINA POPULAR onde celebraremos o fin de tempada ata setembro.Será o 22 de Xullo en HOSPITAL DE BRUMA.

O percorrido é moi sinxelo para todas as idades: de 5 Kms. Ao rematar cos máis peques faremos CIRCUITO DE CARREIRAS INFANTÍS.
Ler máis...
Mér, 21/06/2023
PAI OS CAMIÑOS


O Concello de Mesía no día de hoxe, 21/06/2023, publica, na páxina web e no taboleiro de anuncios da sede electrónica municipal así como no taboleiro do PAI Os Camiños, a lista provisional de admitidos/as-excluídos e de agarda das prazas do Punto de Atención á Infancia Municipal "Os Camiños" para o curso 2023-2024.


Ábrese un prazo de dez días hábiles (ata o 05/07/2023) a efectos de que os/as interesados/as fagan as alegacións ou presenten os documentos e xustificantes que estimen oprotunos no Rexistro xeral do concello.

Unha vez rematado este prazo publicarase a lista definitiva de admitidos/as-excluídos/as e de agarda e abrirase un prazo para a presentación da matrícula e aceptación da praza.

Máis información en "Ler máis" ou chamando ao concello ao 981687001.
Ler máis...
Dom, 18/06/2023

CONSULTA O NOSO PROGRAMA DE ACTIVIDADES E EVENTOS PARA ESTE VERÁN:

Temos actividades diversas para todas as idades: campamentos de concicliación para crianzas e rapazada, escolas deportivas de verán e actividades físicas para xuventude-adultos-maiores, saídas a praia ao aquapark e de sendeirismo, actuacións, andaina popular (que sustituirá a carreira), tamén teremos Torneos de fútbol e de tenis, e a festa da auga.

PISCINAS MUNICIPAIS:

Informamos do novo horario da piscina infantil: de luns a venres as 16:00-21:00. Durante fines de semana e festivos será igual que o horario da piscina grande 12:00 - 21:00.

O martes 20 de xuño abre a piscina grande e o 26 de xuño tamén a infanil.
Ler máis...
Ven, 16/06/2023

O Concello de Mesía informa de que se vai realizar o Programa Concilia Xove para nenos de máis de 12 anos (de 12 a 16 anos). 

As actividades previstas neste programa serán moi variadas: baile, cociña, deportes, pintura, novas tecnoloxías, artesanía, ... Un montón de posibilidades para os máis xoves. O programa realizarase durantes as tres últimas semanas de xullo en horario de 10 a 14 horas.

O prezo será de 25 euros as tres semanas, 15 € se participas menos de 3 semanas.

O prazo de inscrición remata o 5 de xullo presentando a folla de inscrición cuberta na Casa da Cultura ou por email casadacultura@concellodemesia.gal.

Máis información chamando ao concello.

 

 
Ler máis...

Páxinas