O Concello de Mesía informa que a Deputación Provincial da Coruña, ao abeiro do Programa de subvencións a concellos e outras entidades locais para financiar actividades de envellecemento activo e actuacións de loita contra a soidade non desexada no ano 2024, subvenciona o Proxecto Envellecemento Activo Mesía 2024 cunha axuda de 6.733,71 € para a realización de actividades de prevención do deterioro físico, do deterioro mental e estimulación cognitiva e para o fomento da saúde e da calidade de vida dos nosos maiores.

Máis información en "Ler máis".

O Concello de Mesía informa de que a Xefatura Territorial da Consellería de Emprego, Comercio e Emigración de da Coruña aprobou o obradoiro dual de emprego "Brañas do Illó-Río Samo VII" do que Mesía forma parte cos concellos de Ordes (promotor) e Frades.

Será un obradoiro dual cun contrato de formación e aprendizaxe durante nove meses e no que se poderá optar a un contrato ao final do obradoiro nunha empresa do sector forestal e/ou xardinería, de tres meses máis.


As ESPECIALIDADES que se impartirán son:
- Actividades auxiliares en conservación e mellora de montes. Nivel 1.
- Actividades auxiliares en viveiros, xardíns e centro de xardinaría. Nivel 1.

Todas aquelas persoas interesadas en participar como alumnado-traballador deberán estar inscritos no Servizo Público de Emprego de Galicia e ter solicitado neste último caso os obradoiros duais de emprego, tendo como DATA LÍMITE O 18 DE OUTUBRO DE 2024, inclusive.

PARA PODER ACUDIR Á OFICINA DE EMPREGO  DE ORDES DEBERÁN PEDIR CITA PREVIA A TRAVÉS DO NÚMERO DE TELÉFONO: 981900643 OU A TRAVÉS DA PÁXINA WEB: emprego.xunta.es/citasepe/  

Máis información en "Ler máis".

O Concello de Mesía aprobou hoxe, 20/09/2024,  por Decreto de Alcaldía núm. 371/2024 as bases reguladoras das axudas do Concello de Mesía para transporte escolar durante o curso 2024-2025 coa finalidade de facilitar o desprazamento diario aos/ás estudantes que residan no concello e cursen estudos de bacharelato ou formación profesional con título homologado fóra dos límites do concello. A contía para atender as solicitudes é de 6.400,00 € con cargo ao orzamento municipal correspondente ao ano 2024.

O prazo de solicitude destas axudas xa está aberto (Publicacion convocatoria no BOP núm. 185 do 25/09/2024) e finalizará o día 31/10/2024.

As solicitudes deberán presentarse no Rexistro Xeral do Concello de Mesía ou dalgunha outra forma establecida no artigo 164 da Lei 39/2015, do 1 de outubro, do procedemento administrativo común das Administracións Públicas.

Máis información en "Ler máis".

Torneo de fútbol 7 interparroquial 2024 que se xogará no Campo municipal de Visantoña o 28 de xullo pola mañan.

Trátase dunha COMPETICIÓN DE FÚTBOL DE ADULTOS: Máis de 16 anos. Xogarase sistema liga. Os 2 mellores puntuados gañan un Trofeo.

INSCRICIÓN  ATA  O  24  DE  XULLO  DOS  EQUIPOS por parroquias co cadro de equipos (clicando el LER MAIS).

Máximo 2 comunitarios (xente que non sexa da parroquia).

Enviar o cadro de inscrición a actividades@concellodemesia.gal ou por wasap no 609353115.

Publicación do cadro de competición o xoves  25 de xullo.