O Concello de Mesía no día de hoxe, 04/07/20204, publica, na páxina web e no taboleiro de anuncios da sede electrónica municipal así como no taboleiro do PAI Os Camiños, as listas definitivas de admitidos/as-excluídos e de agarda das prazas do Punto de Atención á Infancia Municipal "Os Camiños" para o curso 2024-2025.

Ábrese un prazo dende o día 8 ata o 19 de xullo do actual, ambos os dous inclusives, para a aceptación da praza e realización da matrícula para o curso 2024/2025 no Rexistro xeral do concello.

Máis información en "Ler máis" ou chamando ao concello ao 981687001

Plan de rehabilitación de camiños de zonas de concentración ou reestruturación parcelaria 2023- 2024 de mellora de camiños municipais de zonas de concentración ou reestruturación parcelaria rematadas, cofinanciado co Fondo Europeo Agrícola de Desenvolvemento Rural (Feader), ao abeiro do Plan de desenvolvemento rural de Galicia 2014-2020.

O Concello de Mesía recibiu unha axuda económica cofinanciada pola Consellería de Medio Rural, o Ministerio de Agricultura, Pesca e Alimentación e o Fondo Europeo Agrícola de Desenvolvemento Rural (Feader) para a execución do proxecto denominado "CAMIÑO MUNICIPAL ZONA DE CONCENTRACIÓN PARCELARIA DE BASCOI (CABRUI)", para a execución de obras encamiñadas á mellora da rede viaria existente no medio rural, facilitando así a accesibilidade e vertebración do territorio e contribuíndo ao aumento da competitividade agraria e forestal, xa que facilitan o tránsito de maquinaria ás explotacións agrarias, o que redunda nunha maior axilidade das operacións agrarias e nunha redución de custos e dos tempos necesarios para poñer os produtos no mercado.

Un ano máis dende o Concello de Mesía ofertamos o Campamento de Conciliación para nenos/as escolarizados dende 3 a12 anos, con dous obxectivos: que os pais e nais poidan conciliar e que a cativada o pase xenial nas vacacións de verán.

A programación irá dende xogos, piscina, obradoiros, saídas... Todos os días serán diferentes pero igual de divertidos.

Tede en conta que o prazo de inscrición comeza o 14 e remata o 20 de xuño, as prazas son limitadas e terán preferencia os/as empadronados/as.

Podedes inscribirvos de xeito presencial na Casa da Cultura, online enviando a folla de inscrición ao email casadacultura@concellodemesia.gal ou a través do enlace  https://forms.gle/Pf4VRCzQSGrVdaA87

Máis información chamando ao 699 453 750.

Plan de mellora de camiños rurais 2023-2024, cofinanciado co Fondo Europeo Agrícola de Desenvolvemento Rural no marco do Plan estratéxico da PAC 2023-2027 en Galicia

O Concello de Mesía recibiu unha axuda económica cofinanciada pola Axencia Galega de Desenvolvemento Rural, o Ministerio de Agricultura, Pesca e Alimentación e o Fondo Europeo Agrícola de Desenvolvemento Rural (Feader) para a execución do proxecto denominado "Camiño en Mata-Xanceda da AC-524 a AC-223 e outro", co fin de continuas cos traballos de acceso a parcelas agrícolas, obras encamiñadas á mellora da rede viaria existente no medio rural, facilitando así a accesibilidade e vertebración do territorio e contribuíndo ao aumento da competitividade agraria e forestal, xa que facilitan o tránsito de maquinaria ás explotacións agrarias, o que redunda nunha maior axilidade das operacións agrarias e nunha redución de custos e dos tempos necesarios para poñer os produtos no mercado.