Xa está todo listo para a primeira cita deportivo solidaria deste Nadal 2025. Dez equipos xogarán o venres 12 de decembro un torneo de fútbol sala en categorías benxamín, alevín e infantil co fin de recadar cartos a favor da ASOCIACIÓN AMARAI.

Animamos a asistencia de público por esta causa, xa que poderán aportar DONATIVOS na mesa de AMARAI e tamén MERCAR MANUALIDADES realizadas por eles.

As entidades deportivas participantes serán o F.C. VISANTOÑA, a E.D. BOIMORTO e o Jogafán ORDES. E tamén a propia AMARAI traerá un equipo.

Dende as 16:45h. xogaremos cun sistema de liga de 3 equipos en cada categoría.

O Concello de Mesía retoma de novo esta doble cita deportivo-solidaria:

•    VII TORNEO INFANTIL DE FÚTBOL SALA "MESÍA SOLIDARIA"  será o venres día 12 de decembro
•    XIV TORNEO 'MESÍA CONTRA O CANCRO' será o sábado 27 de decembro de 2025.

Ver a información dos Torneos:

O Concello de Mesía resultou beneficiario das axudas destinadas a entidades locais galegas para o financiamento de actuacións en materia de residuos de competencia municipal para a implantación de recollidas separadas de biorresiduos, aceites de cociña usados e téxtiles da Consellería de Medio Ambiente e Cambio Climático da Xunta de Galicia e cofinanciadas polo fondo europeo relativo ao Mecanismo de recuperación e resiliencia da UE no marco do Plan de recuperación, transformación e resiliencia, financiado pola Unión Europea-NextGenerationEU.

A axuda concedida foi de 3.645,00 € para actuacións de recollida separada de residuos textiles (Liña 4. Procedemento MT975T).

O Concello de Mesía informa de que a Deputación da Coruña, no marco do Plan de Emprego Local, vén de convocar as seguintes axudas PEL 2026 cuias bases foron publicadas no BOP núm. 216 do 11/11/2025:

> PEL-EMPRENDE INVESTIMENTO: Subvencións á consolidación e ao fortalecemento do tecido empresarial dos concellos da provincia da Coruña de menos de 10.000 habitantes a través do apoio ao investimento en bens inventariables.

> PEL-AUTÓNOMOS/AS: Subvencións de apoio ao emprendemento a través do financiamento das cotas sociais e/ou do alugueiro de oficinas, baixos comerciais ou centros de traballo a persoas autónomas en concellos de menos de 10.000 habitantes.

> PEL-PEMES CREACIÓN E AMPLIACIÓN: Subvencións á contratación de persoal por parte de pemes, microempresas e persoas autónomas en concellos de menos de 20.000 habitantes

> PEL-PEMES MANTEMENTO: Subvencións para o mantemento das contratacións indefinidas de pemes, microempresas e autónomos/as beneficiarios/as das axudas de PEL-Pemes Creación e ampliación 2025.

O prazo de presentación de solicitudes permanecerá aberto ata o 16 de decembro de 2025 ás 14.00 horas. As solicitudes presentaranse exclusivamente de xeito telemático, a través da plataforma SUBTeL

Máis información en "Ler máis"