O Concello de Mesía informa sobre a convocatoria de subvencións para incentivar o emprego de maquinaria agrícola en réxime asociativo, que publica hoxe o Diario Oficial de Galicia. Son unhas axudas financiadas con fondos Feader, do ministerio e da Xunta. Pode consultar a convocatoria no DOG.

O curso de informática básica do Concello de Mesía continuará durante o mes de marzo por petición do alumnado. Despois das sesións impartidas en febreiro, solicitaron continuar, á vista dos progresos acadados nestas semanas e a posibilidade de profundizar neles nas vindeiras.

O Boletín Oficial da Provincia (BOP) publica hoxe o anuncio de aprobación definitiva dos orzamentos do Concello de Mesía para 2015. O orzamento xeral municipal e o plantel de persoal foron aprobados inicialmente polo pleno da corporación na sesión celebrada o pasado 31 de decembro. Foron expostos ao público e non recibiron ningunha reclamación, o que fai que se consideren definitivamente aprobados. Máis información en 'ler máis'.

O Concello de Mesía informa de que desde hoxe martes 27 de xaneiro poden solicitarse as axudas do INEGA para a implantación de caldeiras de biomasa, cofinanciadas co FEADER. A convocatoria foi publicada onte no Diario Oficial de Galicia e está especialmente dirixida ás vivendas do ámbito rural e á industria. Este ano introdúcese a novidade dunha dedución do 5 % na declaración da renda. Os apoios poden chegar ata o 75 % do custo do proxecto, cun tope de 200.000 euros. Máis información en 'ler máis'.