O Concello de Mesía aprobou, o 23/09/2025,  por Decreto de Alcaldía núm. 392/2023, as bases reguladoras das axudas do Concello de Mesía para a adquisición de equipamentos informáticos para o alumnado durante o curso 2025-2026 coa finalidade destas axudas é incrementar o número de fogares con recursos tecnolóxicos axeitados ante a necesidade, tras a crise provocada pola COVID-19, de poder levar a cabo nos casos necesarios unha educación semipresencial ou a distancia, corrixindo o acceso desigual ás novas tecnoloxías, os riscos de exclusión e, en definitiva, favorecendo e garantindo a igualdade na integración dos nenos e das nenas no sistema educativo. 

As axudas están dirixidas ao alumnado que resida no concello e que estude educación primaria, secundaria, bacharelato, ciclos de formación profesional ou universitarios en centros públicos ou concertados no curso 2025-2026.

A contía para atender as solicitudes é de 6.000,00 € con cargo ao orzamento municipal correspondente ao ano 2025.

O día 26/09/2025 saíu publicada a dita convocatoria no Boletín Oficial da Provincia da Coruña.

O prazo para presentar as solicitudes será dende o 29/09/2025 e ata o 31/10/2025, ambos inclusive.

As solicitudes deberán presentarse no Rexistro Xeral do Concello de Mesía ou dalgunha outra forma establecida no artigo 164 da Lei 39/2015, do 1 de outubro, do procedemento administrativo común das Administracións Públicas.

Máis información en "Ler máis".

Presentamos a programación municipal do curso 2025- 26 que será do 1 de outubro 2025 ao 31 de maio 2026. O Concello aposta por achegar a veciñanza unha gran variedade de actividades para todas as idades, cun total de 23 actividades a elexir: 13 para crianzas e 10 para rapazada, adultos e maiores. Non te quedes sen a túa praza!

O prazo de inscrición será do 18 ao 25 de setembro, POR ORDE DE INSCRICIÓN cubrindo en liña o seguinte Formulario de inscrición: https://forms.gle/W9wMXh1GUJc6E1mn9 (abriremos acceso ao formulario o 18 de setembro sobre as 00:00 h.)

Imos ca  TERCEIRA  edición da ANDAINA POPULAR  que xurdiu para dar máis resposta á veciñanza deportista do Concello de Mesía, tomando así o relevo da Carreira Popular. Tamén queremos fomentar o descubremento das parroquias do Concello e as súas riquezas paisaxística e social.

Plan marco de mellora de camiños municipais de acceso a parcelas agrícolas 2024-2025, cofinanciado co Fondo Europeo Agrícola de Desenvolvemento Rural (Feader) ao abeiro do Programa de desenvolvemento rural (PDR) 2014-2020.

O Concello de Mesía recibiu unha axuda económica cofinanciada pola Axencia Galega de Desenvolvemento Rural, o Ministerio de Agricultura, Pesca e Alimentación e o Fondo Europeo Agrícola de Desenvolvemento Rural (Feader) para a execución do proxecto denominado "Mellora da Pista de Pereiruga a Arosa (Xanceda)"  co fin de continuar cos traballos de acceso a parcelas agrícolas, obras encamiñadas á mellora da rede viaria existente no medio rural, facilitando así a accesibilidade e vertebración do territorio e contribuíndo ao aumento da competitividade agraria e forestal,xa que facilitan o tránsito de maquinaria ás explotacións agrarias, o que redunda nunha maior axilidade das operacións agrarias e nunha redución de custos e dos tempos necesarios para poñer os produtos no mercado. e para a redacción dun "Estudo Integral da Rede Viaria Municipal" co fin optimizar os recursos públicos de cara a un desenvolvemento ordenado da rede viaria municipal, e, a partir dunha análise da rede existente, poder priorizar aquelas intervencións relacionadas coa ampliación, mellora e/ou mantemento da rede viaria existente, co fin de facilitar o tránsito de insumos e/ou de produtos entre as explotacións agrograndeiras e os mercados, reducir os custos de explotación, así como minimizar os desprazamentos e mellorar as condicións de vida da poboación rural.