Noticias

Xov, 21/03/2024

O Concello de Mesía informa de que o Instituto Galego de Vivenda e Solo publicou, no DOG núm. 58, do 21/03/2024, a convocatoria de axudas do Programa de mellora de accesibilidade en e á vivendas.

Poderán ser beneficiarias das axudas deste programa, sempre que se trate de persoas físicas ou xurídicas de natureza privada:  
- As persoas propietarias ou usufrutuarias de vivendas unifamiliares.
- As persoas arrendatarias de vivendas, no suposto de que as obras ou actuacións non sexan de obrigada execución pola persoa propietaria e ambas as partes acorden que a arrendataria custee ao seu cargo as actuacións de mellora da accesibilidade, con cargo á parte ou á totalidade da renda arrendaticia.

Requisitos:
- Estar rematadas antes de 2006.
- Que constitúan o domicilio habitual e permanente das súas persoas propietarias, usufrutuarias ou arrendatarias no momento de solicitar as axudas.
- As actuacións non poderán estar iniciadas con anterioridade ao 1 de xaneiro de 2022 nin estar finalizadas con carácter previo á publicación da resolución no DOG.

A contía máxima das axudas non poderá superar os seguintes límites: 12.500 euros por vivenda, cando se solicite para actuacións correspondentes a vivendas unifamiliares illadas ou agrupadas en fila. Esta axuda poderá incrementarse ata 15.000 euros por vivenda, se reside unha persoa con discapacidade, e ata 18.000 euros por vivenda, se esta acredita un grao de discapacidade recoñecido igual ou superior ao 33 %., entre outros. 

O prazo de solicitudes remata o día 22/04/2024.

Máis información en "Ler máis".

Xov, 21/03/2024

O Concello de Mesía informa de que INEGA publicou no DOG núm. 56, do 19/03/2024, a convocatoria de subvencións, en réxime de concurrencia competitiva, para proxectos de enerxía fotovoltaica. Os proxectos limitaranse a instalacións para a xeración de electricidade mediante paneis solares fotovoltaicos.


Actuacións subvencionables:

a) Os paneis solares fotovoltaicos.
b) O acondicionamento da enerxía eléctrica (inversores, convertedores, reguladores, cadros eléctricos, elementos de interconexión, proteccións, cablaxe, equipamentos de medidas e outros equivalentes), monitorización (sensores, adquisición de datos, comunicación remota e outros equivalentes) e sistema de acumulación con baterías que non sexan de plomo ácido.
c) O resto de accesorios da instalación para o correcto funcionamento do sistema.
d) O custo de montaxe e conexionado.

Poderán acceder á condición de persoas beneficiarias das presentes subvencións:
- As entidades sen ánimo de lucro.
- Empresas legalmente constituídas e autónomos; incluídas as empresas de servizos enerxéticos que xestionen total ou parcialmente instalacións consumidoras de enerxía e que o obxecto destes contratos de servizos sexa a consecución de aforro económico derivado dun menor consumo de enerxía.

A contía máxima da axuda por proxecto será de 50.000 €, co límite do 60% do custo do proxecto para entidades sen ánimo de lucro e o 20% para empresas legalmente constituídas e autónomos.

O prazo de solicitudes remata o 19/04/2024.


Máis información en "Ler máis".

Mar, 12/03/2024
RUTA VIA VERDE - Concello de Mesía

Voltamos ca tempada de sendeirismo!

1ª SAÍDA será o 24 de marzo:   RUTA DA VÍA VERDE (Tramo 1: Ordes)                       

Máis información en Ler Máis.

Faremos varias rutas de dificultade baixa ou media, en torno a 10 Kms. Avisaremos das próximas quedadas, xa que faremos unha cada mes: abril, maio e xuño, setembro e outobro.

Lun, 11/03/2024
CAMPAMENTO DE SEMANA SANTA - Concello de Mesía

Presentamos a oferta do campamento de conciliación de Semana Santa para nenos/as dende 3 ata 12 anos (escolarizados ata 1º ESO).

Para máis info clicar en LER MÁIS

Ven, 01/03/2024
CONTAMOS DELAS

 O Concello de Mesía, co motivo do Día Internacional da Muller, propón o concurso Contamos DELAS, como un medio para visibilizar o papel da muller na historia pasada e presente

En marzo teredes tempo para facer protagonista dunha historia á muller que vós queirades.

Trátase de facer un texto baseado na biografía dalgunha muller, famosa e coñecida, actual ou do pasado. A historia teredes que contala coma se vos fósedes a protagonista e en primeira persoa. O relato pode ser baseado totalmente na realidade ou ser inventado pero debe conter algo do pasado ou presente desa muller, resaltando sempre aquelo polo que é coñecida. Ao remate do relato debe figurar: "baseado na historia de (o nome da muller famosa que vos inspirou a historia) para que o xurado poida apreciar que efectivamente contén trazos para identificar a protagonista.

Bases en leer Máis

Mér, 28/02/2024
PRIMAVERA 2024 NO CONCELLO DE MESÍA

Aquí tedes un resumo das actividades para esta Primavera no concello.

Podedes anotarvos a programación da muller, de semana santa, excursión, saída de sendeirismo e balneario, etc, así coma ver os avisos e obras que sucederán nas próximas datas.

Animádevos a participar.

Agardámosvos!!

Mér, 21/02/2024

O Concello de Mesía informa de que o Servizo de Infraestruturas Agrarias de A Coruña remitiu anuncio, para exposición pública, polo que se fixa a data límite (29/02/2024) para solicitar os cambios de titularidade dos predios de substitución, por transmisión da propiedade por negocios xurídicos entre vivos ou por falecemento do titular na Zona de Concentración Parcelaria de Xanceda, Mesía.
 

Máis información en "Ler máis"

 

Mar, 20/02/2024

O Concello de Mesía informa de que a Xunta de Galicia publicou no DOG núm. 33, do 15/02/2024, a convocatoria de subvencións, destinadas á execución de diversas actuacións de mellora das infraestruturas de telecomunicacións para a recepción e decodificación do sinal de televisión dixital de alta definición en vivendas unifamiliares que radiquen na Comunidade Autónoma de Galicia.

As subvencións destinaranse a cubrir investimentos para o receptor Sat-TDT que se realicen en T-fogares situados en zonas en risco de exclusión dixital, para asegurar a correcta recepción e decodificación, polo menos, dos sinais de Televisión dixital dos servizos radiodifundidos en alta definición HD.

Para que os investimentos sexan subvencionables deberán ser adquiridos a través dunha empresa instaladora de telecomunicacións T-instalador.

O importe máximo da axuda para adquirir o receptor Sat-TDT para T-fogares de vivenda habitual será de 400,00 euros; por cada T-fogar de segunda residencia o importe máximo será de 200,00 euros.

As solicitudes presentaranse preferiblemente por vía electrónica a través do formulario normalizado (anexo II) dispoñible na sede electrónica da Xunta de Galicia, https://sede.xunta.gal. Opcionalmente, poderanse presentar as solicitudes presencialmente en calquera dos lugares e rexistros establecidos na normativa reguladora do procedemento administrativo común.

O prazo de presentación de solicitudes de axuda comezará o día seguinte ao da publicación desta resolución no Diario Oficial de Galicia e rematará o 31 de maio de 2024.

Máis información en "Ler máis".


 

Lun, 19/02/2024
Parque Eólico Solpor

Acordo do 4 de xaneiro de 2024 da Xefatura Territorial da Consellería de Economía, Industria e Innovación de A Coruña, polo que se somete a información pública (por prazo de trinta días que se contarán a partir do seguinte ao de publicación do Acordo no DOG ou no xornal de maior circulación nos concellos afectados) a solicitude de declaración de utilidade pública (DUP), en concreto, a necesidade de urxente ocupación que iso implica, do proxecto de Parque Eólico Solpor, nos concellos de Mesía e Ordes (A Coruña) (exp.IN408A 2018/26), incluíndo a relación concreta e individualizada dos propietarios de bens e dereitos afectados polo proxecto (RBDA).
Nº Expte.: IN408A 2018/26 
Denominación do proxecto: Parque Eólico Solpor  (DUP)
Solicitante/Promotor: Green Capital Power S.L. 
Situación: Concello de Mesía e Ordes (A Coruña)

Documentación para información pública

1.    Acordo de información pública do 4 de xaneiro de 2024

2.    Documentación Técnica da DUP:

Prazo para remitir alegacións/achegas/opinións: 20/02/2024-03/04/2024

Esta documentación tamén se poderá consultar no portal web da Consellería de Economía, Industria e Innovación a través do seguinte enlace: 

https://ceei.xunta.gal/transparencia/informacion-publica/en-tramitacion/instalacions-de-xeracion

Máis información en "Ler máis"

Mar, 23/01/2024
Evacuación Conxunta Parques Eólicos

Acordo do 20 de decembro de 2023 da Xefatura Territorial da Consellería de Economía, Industria e Innovación, polo que se somete a información pública a solicitude de autorización administrativa previa, a declaración de utilidade pública (DUP), en concreto, a necesidade de urxente ocupación que iso implica, a autorización administrativa de construción, e o estudo de impacto ambiental (EIA) do proxecto Solución de Evacuación Conxunta dos Parques Eólicos Legre e Solpor, nos concellos de Mesía Ordes e Abegondo (A Coruña), (exp.IN408A 2020/124).

Nº Expte.: IN408A 2020/124 
Denominación do proxecto: Solución de Evacuación Conxunta dos PPEE Legre e Solpor 
Solicitante/Promotor: Green Capital Power S.L. 
Situación: Concello de Mesía, Ordes e Abegondo (A Coruña)

Acordo de información pública do 20 de decembro de 2023.

Documentación Técnica do Proxecto:

​​​​Proxecto de execución Solución de Evacuación Conxunta dos PPEE Legre e Solpor (vsdo 24-8-23)

Plano Xeral do proxecto Solución de Evacuación Conxunta dos PPEE Legre e Solpor

Planos individuais dos predios afectados polo proxecto da instalación

Estudio de impacto ambiental (EIA) (asdo 16/08/23)

Prazo para remitir alegacións/achegas/opinións: 24/01/2024-05/03/2024

Toda a documentación sometida a información pública está no portal web da Vicepresidencia Primeira e Consellería de Economía, Industria e Innovación a través través da seguinte ligazón:

https://ceei.xunta.gal/transparencia/informacion-publica/en-tramitacion/instalacions-de-xeracion

Páxinas