O Concello de Mesía informa que realizou a obra “Actuacións de ampliación e mellora da rede de abastecemento de auga en diversos puntos do termo municipal”, cun orzamento total de 50.000,00 €, cuantía subvencionada na súa totalidade polo organismo Augas de Galicia da Xunta de Galicia eco apoio financieiro da Unión Europea a través dos fondos Feder ao abeiro da Resolución de 12 de marzo de 2021 pola que se aproban as bases reguladoras para a concesión de subvencións á concellos, en réxime de concorrencia competitiva, destinadas á execución de obras de abastecemento, saneamento e depuración, financiadas no marco do eixe REACT-UE do programa operativo Feder Galicia 2014-2020, e se convocan para o ano 2021.
O Concello de Mesía informa de que o Instituto Galego de Vivenda e Solo publicou no DOG núm. 212, do 04.11.2021, a Resolución do 26 de outubro de 2021 pola que se convoca o Programa de axudas para actuacións de rehabilitación enerxética en edificios existentes en municipios de reto demográfico, incluído no Programa de rexeneración e reto demográfico do Plan de rehabilitación e rexeneración urbana do Plan de recuperación, transformación e resiliencia financiado pola Unión Europea-NextGenerationEU (programa PREE 5000), para a anualidade 2022, con carácter plurianual (código de procedemento VI406D).
Poderán ser persoas beneficiarias destas axudas, sempre que teñan residencia fiscal en España: a) As persoas físicas ou xurídicas de natureza privada que sexan propietarias de vivendas unifamiliares ou de edificios de tipoloxía residencial colectiva de vivenda existentes. b) As comunidades de persoas propietarias ou as agrupacións de comunidades de persoas propietarias de edificios residenciais de uso vivenda, constituídas conforme o disposto polo artigo 5 da Lei 49/1960, do 21 de xullo, de propiedade horizontal. c) As persoas propietarias que de forma agrupada sexan propietarias de edificios que reúnan os requisitos establecidos no artigo 396 do Código civil e non outorgasen o título constitutivo de propiedade horizontal.
As actuacións subvencionables ao abeiro desta convocatoria son: a) Mellora da eficiencia enerxética da envolvente térmica. b) Mellora da eficiencia enerxética e uso de enerxías renovables nas instalacións térmicas de calefacción, climatización, refrixeración, ventilación e auga quente sanitaria. c) Mellora da eficiencia enerxética das instalacións de iluminación.
As actuacións subvencionables deberán realizarse en edificacións existentes construídas con anterioridade ao ano 2007.
As axudas previstas nesta convocatoria poderanse solicitar desde o día 3 de xaneiro ata o 30 de setembro de 2022, salvo que con anterioridade se esgotase o crédito orzamentario, o que será obxecto de publicación no DOG e na páxina web do IGVS mediante resolución ditada pola persoa titular da Dirección Xeral do IGVS.
O Concello de Mesía informa de que a Xunta de Galicia publicou no DOG núm. 209, do 29/10/2021, a Orde do 27 de outubro de 2021 pola que se convoca o procedemento de adxudicación de prazas para estadías de fin de semana a famlias de especial consideración dentro do programa Montaña en familia na estación de montaña de Manzaneda para o ano 2021.
Convócanse 600 prazas (individuais) para participar en estadías de fin de semana durante as fins de semana do mes de novembro e as dúas primeiras do mes de decembro. As estadías comprenden dende o venres pola noite ata o domingo ao mediodía.
Son familias beneficiarias deste programa as familias numerosas, as familias monoparentais, as familias acolledoras e as familias vítimas de violencia de xénero que residan na Comunidade Autónoma de Galicia.
A Consellería de Política Social contribuirá ao financiamento do prezo da estadía coa achega de 50 euros por praza.
As solicitudes presentaranse ata o 15 de novembro de 2021 telematicamente pola sede electrónica da Xunta de Galicia ou presencialmente en calquera dos lugares e rexistros establecidos na normativa reguladora do procedemento administrativo común.
O Concello de Mesía informa de que a Xunta de Galicia convoca o Programa "Xuntos polo Nadal", dirixido a persoas maiores de 60 anos que se atopen soas durante o Nadal. O programa terá lugar do 22 de decembro do 2021 ata o 7 de xaneiro de 2022 en dúas quendas de 8 días cada unha. O programa realizarase na Residencia de Tempo Libre de Panxón, en Nigrán (Pontevedra).
As persoas participantes asistirán de forma gratuíta ao programa.
O prazo de solicitudes para participar no dito programa remata o 15 de novembro do actual.
Máis información en "Ler máis" ou no Departamento de Servizos Sociais do Concello de Mesía.
O Concello de Mesía informa de que hoxe, 26/10/2021, saíu publicado no Boletín Oficial da Provincia da Coruña o extracto polo que se convocan axudas para a adquisición de equipamentos informáticos para o alumnado do curso 2021-2022.
O prazo para presentar as solicitudes comeza mañá día 27/10/2021 ata o 25/11/2021, ambos os dous inclusive.
Noticias
ACTUACIÓNS DE AMPLIACIÓN E MELLORA DA REDE DE ABASTECEMENTO DE AUGA EN DIVERSOS PUNTOS DO TERMO MUNICIPAL
O Concello de Mesía informa que realizou a obra “Actuacións de ampliación e mellora da rede de abastecemento de auga en diversos puntos do termo municipal”, cun orzamento total de 50.000,00 €, cuantía subvencionada na súa totalidade polo organismo Augas de Galicia da Xunta de Galicia e co apoio financieiro da Unión Europea a través dos fondos Feder ao abeiro da Resolución de 12 de marzo de 2021 pola que se aproban as bases reguladoras para a concesión de subvencións á concellos, en réxime de concorrencia competitiva, destinadas á execución de obras de abastecemento, saneamento e depuración, financiadas no marco do eixe REACT-UE do programa operativo Feder Galicia 2014-2020, e se convocan para o ano 2021.
Máis información en "Ler máis".
AXUDAS PARA ACTUACIÓNS DE REHABILITACION ENERXETICA ANO 2022
O Concello de Mesía informa de que o Instituto Galego de Vivenda e Solo publicou no DOG núm. 212, do 04.11.2021, a Resolución do 26 de outubro de 2021 pola que se convoca o Programa de axudas para actuacións de rehabilitación enerxética en edificios existentes en municipios de reto demográfico, incluído no Programa de rexeneración e reto demográfico do Plan de rehabilitación e rexeneración urbana do Plan de recuperación, transformación e resiliencia financiado pola Unión Europea-NextGenerationEU (programa PREE 5000), para a anualidade 2022, con carácter plurianual (código de procedemento VI406D).
Poderán ser persoas beneficiarias destas axudas, sempre que teñan residencia fiscal en España:
a) As persoas físicas ou xurídicas de natureza privada que sexan propietarias de vivendas unifamiliares ou de edificios de tipoloxía residencial colectiva de vivenda existentes.
b) As comunidades de persoas propietarias ou as agrupacións de comunidades de persoas propietarias de edificios residenciais de uso vivenda, constituídas conforme o disposto polo artigo 5 da Lei 49/1960, do 21 de xullo, de propiedade horizontal.
c) As persoas propietarias que de forma agrupada sexan propietarias de edificios que reúnan os requisitos establecidos no artigo 396 do Código civil e non outorgasen o título constitutivo de propiedade horizontal.
As actuacións subvencionables ao abeiro desta convocatoria son:
a) Mellora da eficiencia enerxética da envolvente térmica.
b) Mellora da eficiencia enerxética e uso de enerxías renovables nas instalacións térmicas de calefacción, climatización, refrixeración, ventilación e auga quente sanitaria.
c) Mellora da eficiencia enerxética das instalacións de iluminación.
As actuacións subvencionables deberán realizarse en edificacións existentes construídas con anterioridade ao ano 2007.
As axudas previstas nesta convocatoria poderanse solicitar desde o día 3 de xaneiro ata o 30 de setembro de 2022, salvo que con anterioridade se esgotase o crédito orzamentario, o que será obxecto de publicación no DOG e na páxina web do IGVS mediante resolución ditada pola persoa titular da Dirección Xeral do IGVS.
Máis información en "Ler máis".
PROGRAMA "MONTAÑA EN FAMILIA"
O Concello de Mesía informa de que a Xunta de Galicia publicou no DOG núm. 209, do 29/10/2021, a Orde do 27 de outubro de 2021 pola que se convoca o procedemento de adxudicación de prazas para estadías de fin de semana a famlias de especial consideración dentro do programa Montaña en familia na estación de montaña de Manzaneda para o ano 2021.
Convócanse 600 prazas (individuais) para participar en estadías de fin de semana durante as fins de semana do mes de novembro e as dúas primeiras do mes de decembro. As estadías comprenden dende o venres pola noite ata o domingo ao mediodía.
Son familias beneficiarias deste programa as familias numerosas, as familias monoparentais, as familias acolledoras e as familias vítimas de violencia de xénero que residan na Comunidade Autónoma de Galicia.
A Consellería de Política Social contribuirá ao financiamento do prezo da estadía coa achega de 50 euros por praza.
As solicitudes presentaranse ata o 15 de novembro de 2021 telematicamente pola sede electrónica da Xunta de Galicia ou presencialmente en calquera dos lugares e rexistros establecidos na normativa reguladora do procedemento administrativo común.
Máis información en "Ler máis".
PROGRAMA "XUNTOS POLO NADAL"
O Concello de Mesía informa de que a Xunta de Galicia convoca o Programa "Xuntos polo Nadal", dirixido a persoas maiores de 60 anos que se atopen soas durante o Nadal. O programa terá lugar do 22 de decembro do 2021 ata o 7 de xaneiro de 2022 en dúas quendas de 8 días cada unha. O programa realizarase na Residencia de Tempo Libre de Panxón, en Nigrán (Pontevedra).
As persoas participantes asistirán de forma gratuíta ao programa.
O prazo de solicitudes para participar no dito programa remata o 15 de novembro do actual.
Máis información en "Ler máis" ou no Departamento de Servizos Sociais do Concello de Mesía.
APERTURA PRAZO SOLICITUDES AXUDA ADQUISICIÓNS EQUIPAMENTOS INFORMÁTICOS ALUMNADO CURSO 2021-2022
O Concello de Mesía informa de que hoxe, 26/10/2021, saíu publicado no Boletín Oficial da Provincia da Coruña o extracto polo que se convocan axudas para a adquisición de equipamentos informáticos para o alumnado do curso 2021-2022.
O prazo para presentar as solicitudes comeza mañá día 27/10/2021 ata o 25/11/2021, ambos os dous inclusive.
Máis información en "Ler máis".
Páxinas