Con data de hoxe, 02/12/2020, publícase a puntuación total provisional do proceso selectivo para a contratación do alumnado-traballador do obradoiro de emprego dual "Brañas do Illó-Río Samo III" nas especialidades de "Repoboacións forestais e tratamentos silvícolas" (nivel 2) e de "Actividades auxiliares en conservación e mellora de montes" (nivel 1).

Todos/as os/as interesados/as teñen un prazo de dous días hábiles, a contar a partir da data desta publicación, para a presentación de reclamacións. Estas presentarase no Rexistro do Concello de Ordes e dirixidas ao Grupo de Traballo Municipal (Comisión de selección). Se non houbera reclamacións o listado de puntuacións provisionais elevarase a definitivo.

O/A candidato/a seleccionado/a será chamado/a pola entidade promotora, o Concello de Ordes, para proceder á súa contratación.

Para ver as puntuacións totais provisionais, pulsar en "Ler máis".

Aproveitade este espacio dixital para movervos pola vosa saúde! Sen sair da casa...

Xa temos funcionando dende hai una mes os grupos de Ximnasia de mantemento 21:30 h, e o de maiores as 11:00 h.

Unha media de 40 persoas están movéndose con nós cada semana. Podedes inscribirvos gratuitamente avisando no teléfono no 699 453 750.

O Pleno da corporación aprobou hoxe o Plan de Acción para o Clima e a Enerxía Sustentable (PACES), un programa que inclúe a elaboración dun inventario de emisións e medidas para, entre outros aspectos, reducir o consumo de enerxía e ser un concello máis resiliente ao cambio climático.

O Concello adheriuse, en xaneiro do ano 2019, á iniciativa europea do Pacto de Alcaldes para o Clima e a Enerxía. Este reúne ás autoridades locais e rexionais que de forma voluntaria comprométense a implantar os obxectivos de clima e enerxía da Unión Europea no seu territorio. Os asinantes teñen como obxectivo a redución das emisións de CO2 en polo menos un 40 % para 2030 e a aumentar o seu resiliencia aos impactos do cambio climático.

No caso de Mesía este plan permitirá non emitir 5.826,185 toneladas de CO2 ao ano, o que equivale ao 40,6 % de redución ao respecto do ano de referencia, o 2010.

A estratexia recén aprobada inclúe 28 medidas de actuación en distintos sectores diferenciando a inversión privada e a pública, nas que destacan o sector de equipamentos municipais e o de transportes.

O concello márcase o obxectivo captar fondos europeos para financiar medidas como a substitución de luces LED ou uso da biomasa en instalacións públicas pero tamén incentivar a que a veciñanza perciba axudas para as obras privadas como as da envolvente térmica dos edificios (ventás e fachadas).

Accións xa realizadas
O documento resalta que ata o momento, entre 2010 e 2020, realizáronse accións que supoñen unha redución do 4,5% polo que Mesía ten demostrado que é posible cumprir co obxectivo marcado.

Unha rede europea permanente de intercambio de información
O Pacto dos Alcaldes é unha ferramenta que pretende reunir aos alcaldes das cidades europeas nunha rede permanente de intercambio de información para a aplicación de boas prácticas a través da mellora da eficiencia enerxética no ámbito urbano, a redución das emisións de CO2 no ámbito territorial local e aumentar a resiliencia fronte ao cambio climático.

Financiamento para a redacción do PACES
Para a redacción do documento recibiuse o apoio da Consellería de Medio Ambiente, Territorio e Vivenda da Xunta de Galicia e do FEDER “Unha forma de facer Europa” que financiaron o 100% do custe do mesmo.

Lembrade que estamos facendo actividades físicas en liña mentras están suspendidas as presenciais: aquí tedes os horarios da 4ª semana para facer dende a casa!!

Pinchando aquí tedes toda a información.

Podedes inscribirvos gratuitamente avisando no teléfono no 699 453 750. Mandamos ligazón cando avisedes que estades interesad@s.

Deixámosvos algunha imaxe das actividades da terceira semana: