Co gallo da conmemoración do próximo 25 de novembro "Día da loita contra a violencia de xénero" a Deputación pon en marcha unha campaña online e colaborativa baixo o lema "De fronte á violencia de xénero".

O Concello de Mesía súmase a esta campaña mirando de fronte á violencia de xénero neste mes de novembro: iremos avisando das actividades da campaña para que participedes en liña, estendendo o chamado á acción a calquera outra entidade do tecido social, educativo e empresarial, familias, etc.  #defronte

O Concello de Mesía aprobou hoxe, 02/11/2020,  por Decreto de Alcaldía núm. 352/2020 as bases reguladoras das axudas do Concello de Mesía adherido ao Fondo de Financiamento da Deputación Provincial da Coruña para a reactivación económica e social da provincia da Coruña (PEL REACTIVA) coa finalidade de impulsar a actividade económica e o emprego no termo municipal e contribuír á paliar na medida do posible os danos derivados da pandemia da COVID-19 nas microempresas e autónomos/as.

A contía destinadas a atender as solicitudes das ditas axudas é de 36.682,54 €, sendo a achega da Deputación Provincial da Coruña de 29.346,03 € (80%) e a achega municipal de 7.336,51 € (20%).

O prazo de solicitude destas axudas iniciarase a partir do día seguinte ao de publicación no Boletín Oficial da Provincia da convocatoria específica de axudas do concello e finalizará ás 14.00 horas do día 25 de novembro de 2020 segundo a Resolución núm. 2020/32931 da Presidencia da Deputación de constitución definitiva do Fondo de Financiamento publicado no BOP núm. 181, do 28/10/2020.

As solicitudes presentaranse por vía telemática a través da sede electrónica do concello: https://sede.concellodemesia.gal utilizando o formulario normalizado de solicitude dispoñible na sede.

Máis información en "Ler máis" ou chamando ao concello ao 981 687 001.

Onte fixemos a terrorífica Festa do Samaín en liña, ao non poder xuntarnos en persoa nesta tempada. Conectáronse varios nenos/as con adultos para xogar cas probas, disfrazarse, bailar, adiviñar e, en fin, pasar unha tarde divertida en grupo.

As bruxas do Samaín repartiron agasallos, para recoller por participar.

Adxuntamos algunhas fotos do evento, e animámosvos para participar nas próximas festas.

O Concello de Mesia anímavos a participar nesta Festa familiar de Samaín en liña: Laura e Elena conectaránse para dinamizar esta xuntanza da rapazada máis os seus pais/nais/titores: con xogos, probas caseiras, e cancións ca temática de Samaín.

Solo precisades estar acompañados dun adulto e enviarnos cuberta A AUTORIZACIÓN, QUE ADXUNTAMOS NESTA NOVA, o teléfono:  699453750 e así recibiredes o enlace para entrar a xogar ese día.