Noticias

Lun, 31/07/2023
XIII TORNEO DE TENIS CONCELLO DE MESÍA 2023

O prazo de inscrición para o XIII Torneo de tenis remata o 3 de agosto, enviando un mail ca Folla de inscrición ao mail actividades@concellodemesia.gal

Queremos retomar o noso Torneo de tenis non profesional organizado polo Concello de Mesía, que se xogará nas pistas de Xanceda nas categorías que se inscriban: individual feminina e masculina, e dobres mixto ou non.
No web (sección Actividades) faremos seguemento do Cadro, resultados e Imaxes do Evento.

Mar, 25/07/2023
ANDAINA POPULAR 2023 - Concello de Mesía

O sábado 22 de xullo celebramos con 70 persoas a Andaina popular de 5 quilómetros no entorno de Hospital de Bruma, así coma un percorrido alternativo de 3 K para nenos e nenas que viñeron con bicis e carritos. Ao rematar fixemos as Carreiras de menores cun circuito de axilidade. A metade dos deportistas quedaron a comer en CASA GRAÑA, colaboradora do evento. Repartíronse augas, unha bolsa de agasallo e ademáis medallas para nenos e nenas.

Dom, 16/07/2023
ANDAINA 2023 - Concello de Mesía

Este evento organizase como novidade para dar máis resposta á veciñanza deportista do Concello de Mesía, tomando así o relevo da Carreira Popular.

PARA INSCIBIRSE ATA O DÍA 19 DE XULLO , haberá que cubrir o Formulario Clicando aquí. (Tamén no teléfono 609353115, aportando toda a información.)

A idea é facer unha andaina adaptada a todas as idades e niveis deportivos. Comezaremos cunha Andaina sinxela de 4-5 kms as 10:30h arredor de Bruma. Tras a chegada faremos as Carreiras de menores cun Circuito de axilidade, onde as crianzas recibirán unha medalla por esforzarse en correr nesta mañan de sábado a beira no hórreo de Casa Graña, colaborador principal desta 1ª edición.

Precisamente o escenario deste evento deportivo será a Explanada de Casa Graña; onde estará localizada a Mesa da organización para recollida de dorsais, a sáida e chegada da Andaina, a zona Circuito infantil, a zona de refrixerio, e para quen desexe quedarse...o xantar cun menú de 20 € (de 13 anos en adiante) e de 10€ (7-12 anos).

Mér, 12/07/2023
TORNEO INTERPARROQUIAL 2023: CADRO DE COMPETICIÓN

O Torneo deste ano será o domingo 16 de xullo en categoría senior e máis de 16 anos. Comeza as 16h e remata as 19:30, ca entrega de trofeos. 

CARACTERÍSTICAS DO TORNEO:

Os partidos de F11 serán de 30 minutos (sen descanso).
Cada equipo xogará 3 partidos.
Sistema competición: Liga (Penaltis solo si hay empate neses partidos).

Cada equipo recibirá augas antes de cada encontro, e os 2 primeiros clasificados acadarán Trofeo.

Mar, 11/07/2023

O Concello de Mesía informa de que a Consellería de Política Social e Xuventude publicou no DOG núm.  126 do 04/07/2023 a ORDE do 22 de xuño de 2023 pola que se establecen as bases para a concesión das axudas económicas ás familias para a conciliación en situacións puntuais e períodos de vacacións escolares a través do programa Bono Concilia Familia, e se procede á súa convocatoria para o ano 2023. 

Estas axudas están dirixidas ás familias con nenos e nenas residentes en Galicia  de ata doce anos de idade, estes incluídos, para a atención de necesidades de conciliación de carácter puntual ou durante os períodos de vacacións escolares,  que teñan lugar entre o 1 de xaneiro e o 8 de setembro  de 2023.

As solicitudes presentaranse obrigatoriamente por medios electrónicos a través do formulario normalizado dispoñible na sede electrónica da Xunta de Galicia, https://sede.xunta.gal ata o 15/09/2023.

Máis información en "Ler máis".

Páxinas