O concello de Mesía reabrirá o vindeiro luns 11 de maio o servizo de Podoloxía e Fisioterapia.
O servizo deixou de estar operativo tras decretarse o estado de alarma e reabrirá as súas portas de novo a veciñanza, con prioridade para maiores, dependentes, ou con discapacidade. O servizo a domicilio para casos de dependentes ou colectivos vulnerables ampliarase debido o COVID19.
Creemos que agora máis que nunca é preciso dar o máximo dos servizos posibles no concello e que a xente se desplaze fora o menos posible.
Ao longo desta semana concertáronse as citas que foran anuladas pola situación de emerxencia sanitaria.
Nestas primeiras fases de apertura do confinamento vai ser necesaria moita capacidade de adaptación para afrontar as novas situacións, dende a petición de cita previa a limitación de aforo ou o uso de mascarilla protectora.
Recomendacións ao:
►Acudir só e sin acompañante, a non ser que o paciente sexa dependente.
►Sen pulseiras, colares ou pendentes metálicos.
►Desinfectar as máns con xel hidroalcohólico, (na entrada).
►Acudir con mascarilla, no caso de non tela proporcionaráselle nas dependencias municipais.
►Manter a distancia de seguridade mentras non se realice a sesión.
►Se é posible esperar fóra ou no coche, e manter sala de espera só con unha persoa.
►¡¡¡¡Ser moi puntuais e non acudir ao servizo sen cita previa!!!!!.
Nos esquezades que a protección de todos é unha tarefa comunitaria.
