O Torneo Interparroquial de Fútbol Concello de Mesía 2015, disputado hoxe no campo municipal de céspede artificial en Visantoña, acadou un grande éxito de participación, con 130 xogadores en 11 equipos. Na categoría F5, de 5 a 10 anos de idade, gañou o Albixán. Na F8, de 11 a 15 anos, o vencedor foi o equipo de Cumbraos. E na F11, para maiores de 16 anos, o primeiro posto conseguiuno o equipo de Visantoña. O Torneo está patrocinado por Coca-Cola.

As escolas deportivas municipais e as actividades culturais do Concello de Mesía clausuraron o curso 2014-2015 cunha festa que acolleu onte o polideportivo municipal en Xanceda. Pola tarde, os máis pequenos ofreceron exhibicións das distintas modalidades nas que participaron desde setembro e a continuación recibiron os diplomas. Á noite, tomaron o relevo os adultos, con exhibicións do aprendido e a proxección dun vídeo especial sobre as actividades. En total, pasaron pola clausura máis de medio milleiro de persoas. Galería de imaxes en 'ler máis'.

Resultados das eleccións municipais deste 24 de maio de 2015 no Concello de Mesía.

Censo electoral: 2.499
Total votantes (participación): 1.956 (79,06 %)
Abstención: 518 (20,94 %)
Votos nulos: 8 (0,41 %)
Votos en branco: 17 (0,87 %)

O Concello de Mesía informa de que xa se poden solicitar as prazas para participar nos campamentos deportivos do verán 2015 que promove a Deputación da Coruña. O prazo para presentar as peticións no rexistro xeral do Concello remata o 29 de maio. A quenda de participació de Mesía vai d 28 de xuño ao 4 de xullo. Hai tres prazas para o municipio, que se sortearán publicamente se o número de solicitudes é maior. Toda a información clicando aquí