O Concello de Mesía presenta a súa programación para o Nadal 2015-2016.

Hai múltiples propostas pensadas para todos os sectores de idade, especialmente os máis novos.

As actividades pódense consultar no folleto de "Novas de Mesía " que estes días está chegando xa a todos os domicilios do municipio.

O presidente da Deputación da Coruña, Valentín González Formoso, visitou hoxe o Concello de Mesía. Nunha reunión co alcalde, Mariano Iglesias, anunciou que o vindeiro pleno da Deputación aprobará unha achega de 46.554 euros para contribuír ao mantemento das actividades da Aula da Natureza e no Museo Etnográfico das Brañas da Valga. Tamén se deu conta das cantidades que lle corresponden ao Concello de Mesía no Plan de Obras e Servizos (POS) e no Plan de Acción Social (PAS), cun importe total que alcanza os 529.634 euros.

Hoxe, sábado 10 de outubro, tivo lugar na Casa da Cultura de Mesía, en Xanceda, un curso para a obtención do carné de manipulación de alimentos. A actividade desenvolveuse en horario de mañá, entre as 10:30 horas e as 13:30 horas, e contou coa participación dun total de 21 persoas.

O Concello de Mesía informa da decisión da Xunta de permitir a tramitación de de persmisos para efectuar queimas agrícolas e forestais. A decisión tómase de acordo coa normativa de aplicación, debido á diminución do risco de incendios polo cambio nas condicións meteorolóxicas. Ata hoxe estiveron prohibidas estas queimas porque se mantiñan as condicións propias da campaña de perigo alto de incendios forestais.