O Concello de Mesía informa de que Unión de Cooperativas Galegas Espazocoop, dentro do Programa de actuación 2020 da Rede Eusumo impulsada pola Secretaría Xeral de Emprego de Xunta de Galicia, convoca o Programa "Creando Mellora" .


Trátase dun programa formativo (teórico-práctico) no que poderán participar persoas desempregadas menores de 35 anos, tituladas e formadas na área empresarial para incorporarse nalgunha das cooperativas beneficiarias seleccionadas, realizando prácticas seguindo un plan de traballo establecido e co fin de elaborar un proxecto de plan de mellora na empresa, durante 6 meses e 25 horas semanais. A estadía da persoa bolseira na entidade será dende o 1 de febreiro ata o 31 de xullo de 2020. Cada persoa bolseira recibirá unha retribución bruta mensual de 675 euros.

O prazo para inscribirse remata o 16 de decembro do 2019. As persoas interesadas en candidatar como bolseiras deberán cubrir inscribirse no seguinte enlace "Formulario de Inscrición" e enviar o seu currículo á Unión de Cooperativas EspazoCoop a roberto@espazo.coop indicando á localidade á que optan.

Máis información en "Ler máis" ou chamando ao concello ao 981687001.

O Concello de Mesía informa de que está aberto o prazo de inscrición para participar no obradoiro de emprego Brañas do Ulló-Río Samo II. Este obradoiro é promovido polo Concello de Ordes en el colaboramos os Concellos de Frades e Mesía. O dito obradorio será subvencionado pola Consellería de Economía, Emprego e Industria da Xunta de Galicia.

Será un obradoiro dual pois combinará un contrato de formación e aprendizaxe durante nove meses cun contrato en prácticas, de cómo mínimo tres meses máis.

As especialidades que se impartirán son:
Tarefas de repoboación forestal e tratamentos silvícolas
Actividades auxiliares en conservación e mellora de montes.

Os destinatarios serán persoas maiores de 18 anos desempregadas e inscritas no Servizo Público de Emprego.

Todas aquelas persoas interesadas en participar deben ir, o máis axiña posible, á Oficina de Emprego de Ordes e comunicar que están interesados en participar no dito obradoiro de emprego.

Este aviso é tanto para alumnado como para persoal directivo, docente e de apoio.

Máis información en “Ler máis…”

A Deputación Provincial da Coruña no marco do Proxecto EIXO_Estratexia de Inserción Xove da liña 4 do Plan de Emprego Local impartirá a seguinte acción formativa do Itinerario de Actividade Física e Deportiva que inclúe o acceso ao certificado de profesionalidade de nivel 3: AFDP0211 COORDINACIÓN DE SERVIZOS DE SOCORRISMO EN INSTALACIÓNS E ESPAZOS NATURAIS ACUÁTICOS (RD 1076/2012, DE 13 DE XULLO).

O dito curso capacitará a xuventude para o desenvolvemento de tarefas e responsabilidades de coordinación de equipos de socorristas para os areais principais, as praias fluviais e outros espazos onde se desenvolvan actividades acuáticas, ao tempo que complementan as súas responsabilidades e tarefas co persoal dos servizos de emerxencias e prevención das agrupacións municipais de protección civil.

DURACIÓN CURSO: 540 horas de teoría e 120 horas de prácticas non laborais en empresa.

PERSOAS BENEFICIARIAS: A acción formativa vai dirixida a todas aquelas persoas mozas menores de 30 anos e desempregadas  incluídas as persoas con discapacidade, non ocupadas e non integradas nos sistemas de educación ou formación, inscritas na Oficina de Emprego correspondente e rexistradas no ficheiro do Sistema Nacional de Garantía Xove, e que ademais cumpran os seguintes requisitos:

- Ter cumpridos 16 anos de idade.

- Estar empadroado nalgún dos concellos de menos de  50.000 habitantes da provincia da Coruña.

- Cumprir os requisitos de formación adscritos ao dito certificado de profesionalidade, en concreto:  Estar en posesión do título de bacharelato para o acceso a formación de nivel 3, ou Estar en posesión dun certificado de profesionalidade de nivel 3, ou Estar en posesión dun certificado de profesionalidade de nivel 2 da mesma familia e área profesional, ou Cumprir o requisito académico de acceso a ciclos formativos de grao superior ou ter superadas as probas de acceso reguladas polas administracións educativas, ou Ter superada a proba de acceso á universidade para maiores de 25 anos e/ou de 45 anos, ou Ter os coñecementos formativos e/ou profesionais suficientes que permitan participar con aproveitamento nesta formación.

N.º DE BENEFICIARIOS: 15 PRAZAS.
 

PRAZO INSCRICIÓN: ata o 14 de novembro de 2018 ás 14 horas.
 

Máis información en “Ler máis…” ou chamando ao concello ao 981687001.

O Servizo de Normalización Lingüística (SNL) da Mancomundade de Ordes, servizo do que forma parte o Concello de Mesía, vai levar a cabo unhas xornadas de preparación para a obtención dos certificados de lingua galega Celga 2 e Celga 4 dirixido a todas as persoas interesadas na adquisición das competencias básicas en lingua galega debido á demanda de usuarios/as que así o solicitan.

Prazo de solicitude: ata o 27 de setembro de 2018.

Lugar: SNL da Mancomunidade de Ordes, de 08:00 a 15:00 horas (telf.: 981 680 002, ext.120).

Datas de realización do curso: Dende o 2 de outubro ao 6 de novembro de 2018 (martes e xoves, de 10:00 a 12:00 horas).

Duración: 20 horas.

Lugar de realización do curso: Concello de Ordes.