Ten por obxecto a presente convocatoria a selección dun/dunha funcionario/a interino/a, categoría de administrativo (grupo C, subgrupo C1, escala administración xeral, subescala administrativa), para cubrir unha vacante por excedencia voluntaria por interese particular, en tanto non se cubra regulamentariamente o posto por persoal funcionario de carreira a través dalgún dos mecanismos de provisión legalmente establecidos, de conformidade co artigo 10.1.a) do TREBEP. O nivel de complemento de destino é o 20 e o complemento específico anual ascende a 4.970,84€. Constituirase así mesmo unha bolsa de emprego para posibles futuros nomeamentos por incapacidade laboral temporal, renuncia ou situacións análogas.As funcións propias do posto son as tarefas administrativas de carácter xeral, no departamento de obras, urbanismo e contratación, con xestión, tramitación e seguimento administrativo dos expedientes, colaboración con secretaría, información e atención ao público, así como calquera outra función, propia da súa capacitación profesional, tanto dentro da propia unidade como nos restantes departamentos e servizos municipais, cando as necesidades de servizo así o requiran. O prazo de solicitudes para participar no dito proceso selectivo é de dez días naturais a contar dende o 23 de decembro de 2023, inclusive.

O obxecto da presente convocatoria é a contratación, en réxime de dereito laboral, a xornada completa, baixo a modalidade de contrato laboral de duración determinada por circunstancias da produción, prevista no artigo 15.1. do Real Decreto Lexislativo 2/2015, do 23 de outubro, polo que se aproba o Texto Refundido da Lei do Estatuto dos Traballadores, de DOUS/DÚAS SOCORRISTAS para o Concello de Mesía, ao abeiro do Programa de socorrismo dirixido a concellos da provincia da Coruña durante o exercicio 2023 da Deputación Provincial. As funcións propias do posto son a vixilancia e salvamento nas piscinas municipais do Concello de Mesía. A duración do contrato é dende o día 20 de xuño ao 31 de agosto de 2023, ambos os dous incluídos. O prazo de presentación de solicitudes é dende o 8 ata o 12 de xuño do actual, ambos inclusive.

O obxecto da presente convocatoria é a contratación, en réxime de dereito laboral, a xornada completa, baixo a modalidade de contrato para a mellora da ocupabilidade e a inserción laboral, de acordo coa disposición adicional novena do texto refundido da Lei de Empleo, aprobado polo Real Decreto Lexislativo 3/2015, de 23 de outubro, de DOUS PEÓNS para o Concello de Mesía, ao abeiro do Programa PEL-CONCELLOS 2023 de axudas á contratación de persoal para a execución de obras e servizos mínimos municipais nos concellos da provincia (BOP nº 13 do 19.01.2023) da Deputación da Coruña. A xornada de traballo é de 40 horas á semana e o salario é de 1.166,67 euros brutos ao mes, incluída a parte proporcional das pagas extraordinarias. O prazo de solicitudes para participar no dito proceso selectivo é dende o día 4 ao o 11 de abril de 2023, ambos os dous inclusive.

O obxecto da presente convocatoria é a contratación, en réxime de dereito laboral, a xornada completa, baixo a modalidade de contrato laboral de duración determinada por circunstancias da produción, prevista no artigo 15.1. do Real Decreto Lexislativo 2/2015, do 23 de outubro, polo que se aproba o Texto Refundido da Lei do Estatuto dos Traballadores, de DOUS/DÚAS SOCORRISTAS para o Concello de Mesía, ao abeiro do Programa de socorrismo dirixido a concellos da provincia da Coruña durante o exercicio 2022 da Deputación Provincial. As funcións propias do posto son a vixilancia e salvamento nas piscinas municipais do Concello de Mesía. A duración do contrato é dende o día 20 de xuño ao 31 de agosto de 2022, ambos os dous incluídos. O prazo de presentación de solicitudes é dende o 12 ata o 18 de maio do actual, ambos inclusive.

O obxecto da presente convocatoria é a contratación, en réxime de dereito laboral, a xornada completa, baixo a modalidade de contrato temporal por obra ou servizo determinado, de acordo co artigo 15.1.a) do Real Decreto Lexislativo 2/2015, de 23 de outubro, polo que se aproba o texto refundido da Lei do Estatuto dos Traballadores, de TRES PEÓNS para o Concello de Mesía, ao abeiro do Programa PEL-CONCELLOS 2022 de axudas á contratación de persoal para a execución de obras e servizos mínimos municipais nos concellos da provincia . A xornada de traballo é de 40 horas á semana e o salario é de 1.125,83 euros brutos ao mes, incluída a parte proporcional das pagas extraordinarias. A duración do contrato é de cinco meses. O prazo de solicitudes para participar no dito proceso selectivo é do 23 ao 25 de marzo de 2022, ambos os dous inclusive.

Ten por obxecto a presente convocatoria a contratación temporal dun/dunha técnico deportivo mediante contrato de obra ou servizo determinado. A xornada de traballo é de 40 horas á semana e o salario é de 1.819,22 € brutos ao mes, incluída a parte proporcional das pagas extraordinarias. A duración deste contrato quedará vinculada á baixa por maternidade da persoa que presta os seus servizos actualmente no Concello de Mesía, de tal xeito que na data en que aquela se incorpore ao seu posto, finalizará a duración do contrato. A duración da baixa é dende o 30 de marzo de 2022 e estímase en nove meses. O prazo para a presentación de solicitudes para participar no proceso selectivo comeza mañá, 03/03/2022, e remata o 09/03/2022, ambos os dous inclusive.